جمهوررئیس اردوغان افغانستان توغریسیده مهم بیانات لر بیردی

تورکیه جمهوریتی جمهوررئیسی رجب طیب اردوغان, استانبولده بیرگن بیاناتیده, غرب و اسلام عالمی نینگ, افغانستان مسئله سی گه کیره کلی اهمیت نی بیرمه گن لیگی نی معلوم قیلدی. 

جمهوررئیس اردوغان, "افغانستانده زیربنا اوچون برچه امکانیت لری میز بیلن سعی حرکت قیلدیک و حاضرگی کونده هم فعالیت لری میزنی دوام ایتتیرماقده میز" دییه قید ایتدی.

اردوغان, حاضرگی کونده راجستر قیلینگن و قیلینمه گن 300 مینگ افغانستانلیک مهاجر نینگ تورکیه ده یشیاتگن لیگی نی بیلدیردی. 

جمهوررئیس اردوغان, "حاضرچه ینگیلیک لرنی یقیندن کوزه تماقده میز.  ینگیلیک لر نی کوزه ترایکن, افغانستان سیاست لری بیزنینگ تامانی میزدن بیلینگن اولکه لر بیلن هم مذاکره قیلماقده میز.  تشقی ایش لر وزیرلیگی میز نینگ بو اولکه لر بیلن مذاکره لری بار.  مثال قیلیب آلگنده ناتو نینگ بونده ی بیر ییغیلیشی بار ایرته گه.  او ییرده تشقی ایش لر وزیرلیگی میز نینگ اوچره شوو لری بوله دی" دییه قید ایتدی. 

جمهوررئیس اردوغان, اوز سوز لرینی, "کیره ک بولگن تقدیرده طالبان بیلن هم اوچره شیشی میز ممکن.  بیر واقعه و بیر حقیقت موجود.  اوشبو موضوع بیلن علاقه لی ایشیگی میز گه کیلینگنده ایشیگی میز نی آچیب گپله شه میز" شکلیده دوام ایتتیردی.