چاووش اوغلی تلفن آرقه لی کسبداش لری بیلن افغانستان توغریسیده سوزله شدی

تورکیه جمهوریتی تشقی ایش لر وزیری مولود چاووش اوغلی, تلفن آرقه لی, امریکا قوشمه ایالت لری, قطر, کرواسیا, آذربایجان, آلمان, دنمارک و گرجستان تشقی ایش لر وزیرلری انتونی بلینکن, محمد بن عبدالرحمن آل ثانی, گوردان گرلیک رادمان, جیحون بیره موف, هایکو ماس, جیپه کوفود و دیوید زالکیلیانی و ناتو عمومی منشی سی ینس استولتنبرگ بیلن سوزله شدی. 

تورکیه تشقی ایش لر وزیرلیگی تامانیدن بیریلگن بیاناتده, اوشبو تلفنی صحبت لر ده افغانستان ده گی سونگگی وضعیت توغریسیده سوز یوریتیلگن لیگی بیلدیریلدی. 

میلادی 2020- ییل فبروری آییده امریکا قوشمه ایالتلری بیلن طالبان اورته سیده بولگن تینچلیک کیلیشووی دایره سیده خلق ارا کوچ لرنینگ افغانستان دن چیقیش پروسه سی باشله گن ایدی. 

اوشبو کیلیشوو دایره سیده چیت ایللیک لر گه هجوم اویوشتیریلمس لیگی کیره ک ایکن, افغان حکومتی بیلن قطرده گی مذاکره لری نی دوام ایتتیرگن طالبان, جون آیی دن باشلب ققشتگیچ هجوم لر بیلن افغانستان ده کوپلب ولایت مرکز لری نی قولگه کیریتدی. 

اوتگن کونی پایتخت کابل نی اوره ب آلگن طالبان, جمهوررئیس اشرف غنی نینگ اولکه نی ترک ایتیشی و حکومت کوچ لری نینگ پایتخت دن چیقیشی آرتیدن اوشبو شهر نینگ کنترولی اوز قولیگه آلدی.