تورکیه مطبوعاتیدن خلاصه لر 29.07.2021

ینی شفق روزنامه سی, تورکیه جمهوریتی جمهوررئیسی رجب طیب ایردوغان نینگ, ساکاریا ساحه سی گاز یاقیش مراسمیده قیلگن معروضه سیده, "قاره دینگیز گازی دن استفاده ایتیله باشلشی آرتیدن واردات میزانی میز توشیب کیته دی.  گاز نینگ بیرینچی باسقیچی نینگ میلادی 2023- ییل گه ییتیشتیریلیشی اوچون برچه سعی و حرکت لر قیلینماقده" دییه قید ایتگن لیگی نی یازماقده. 

خبرده, کیلگوسی ییلده 169 کیلومترلیک قوور نی دینگیز نینگ تیبی گه جایلشتیره دیگن لیک لری نی معلوم قیلگن جمهوررئیس ایردوغان نینگ اوز سوز لری نی, "بو دنیا نینگ اینگ اوزون چقور دینگیز آستی ارتباطی بوله دی" شکلیده دوام ایتتیرگن لیگی بیلدیریلماقده. 

ستار روزنامه سی, تورکیه جمهوریتی ملی مدافعه وزیرلیگی گه باغلیق ASFAT تامانیدن ایشلب چیقاریلگن ماین تازه لش تجهیزاتی دن عبارت MEMATT نینگ آذربایجان آرتیدن ایندی بورکینا فاسو گه صادر قیلینگن لیگی گه دقت قره تماقده. 

خبرده, شونده ی قیلیب ASFAT نینگ افریقا گه ایلک مدافعه صنایع سی صادراتی نی قیلگن لیگی ایسله تیلماقده. 

حریت روزنامه سی, لندن ده گی تدقیقات مرکزی دن عبارت Ember نینگ جاری ییل نینگ ایلک یریمی نی قمره گن اوروپا برق راپوری گه کوره, خوددی شوو دورده تورکیه ده شمال و قویاش نینگ انرژی تولیدی بوییچه 12,9 فایز حصه قوشگن لیگی نی بیلدیرماقده. 

خبرده, شمال و قویاش دن برق تولید ایتیش بوییچه تورکیه نینگ اوروپا اولکه لری آره سیده 17- اورین نی ایگلله گن لیگی معلوم قیلینماقده. 

صباح روزنامه سی, تورک هوا یوللری نینگ, کونده لیک 1323 سفر بیلن اوروپا ده اینگ کوپ اوچیاتگن 2- هوا یولی شرکتی دن عبارت بولگن لیگی نی ایسلتماقده.  

خبرتورک روزنامه سی, تورکیه نینگ انتالیا ولایتی قاش تومنیده جایلشگن پاتارا انتیک شهریده دوام ایتیاتگن حفریات فعالیت لری نتیجه سیده, طعام قالدیق لری دن قالگن 2 مینگ 300 ییل آلدین گه عاید بلیق اسکلیت لری نینگ تاپیلگن لیگی نی یازماقده.