تورکیه مطبوعاتیدن خلاصه لر 14.07.2021

صباح روزنامه سی, تورکیه جمهوریتی جمهوررئیسی رجب طیب ایردوغان نینگ, توناون, تلفن آرقه لی, چین دولت رهبری شی جینپینگ بیلن سوزلشگن لیگی نی بیلدیرماقده. 

خبرده, صحبتده تجارت, سرمایه گذارلیک, انرژی, ترانسپورت و ساغلیق نی سقلش کبی تورکیه بیلن چین اورته سیده گی مناسبت لرنی رواجلنتیره دیگن ساحه لر بوییچه تشله نه دیگن قدم لر و منطقه مقیاسیده گی ینگیلیک لر باره سیده بحث ایتیلگن لیگی ایسله تیلماقده. 

روزنامه, اوشبو صحبتده, جمهوررئیس ایردوغان نینگ, اویغور تورک لری نینگ چین نینگ تینگ حققه ایگه وطنداش لری اوله راق مرفه و ایرکین یشش لری نینگ تورکیه جهتی دن مهم ایکن لیگی گه دقت قره تگن لیگی نی یازماقده. 

حریت روزنامه سی, اولمپیاکوس فوتبال تیمی بیلن تیارگرلیک مسابقه سی اوچون یونان پایتختی آتن گه کیتگن تورکیه نینگ گالاتاسارای فوتبال تیمی بیلن هوا قونلغه سیده قیلینگن یمان رویه اوچون راحتسیزلیک سببلی یونان نینگ انقره ایلچیسی کریستوس دیامیسیس نینگ توناون تورکیه جمهوریتی تشقی ایش لر وزیرلیگی گه چقیریلگن لیگی نی معلوم قیلماقده. 

خبرده, دیامیسیس گه اوشبو یمان رویه اوچون قتتیق ناراضی چیلیک نینگ بیلدیریلگن لیگی گه دقت قره تیلماقده. 

روزنامه, یونان گه بیریلگن ناراضیچیلیک یادداشتیده, تورک فوتبال تیمی نینگ دوچ کیلیب قالگن وضعیت نینگ قاعده لرگه اویغون ایمس لیگی, تبعیض دن عبارت ایکن لیگی و دوستلیککه سیغمه یدیگن بیر وضعیت ایکن لیگی نینگ بیلدیریلگن لیگی نی ایسلتماقده. 

وطن روزنامه سی, تورکیه جمهوریتی ملی مدافعه وزیری خلوصی آقر نینگ توناون افغانستان ده گی حامد کرزی خلق ارا هوا قونلغه سی نینگ امنیتی و باشقریلیشی بوییچه بیانات بیرگن لیگی نی معلوم قیلماقده. 

خبرده, آقر نینگ, "ناتو ده تورکیه نینگ تشبث لری بیلن مثبت ینگیلیک لر بحث موضوعی.  امریکا قوشمه ایالتلری مدافعه وزیری لوید جیمز آستین بیلن ایریم خصوص لرده کیلیشیب آلدیک.  مقصدی میز, افغانستانلیک قرداش لری میز نینگ امنیتی, تینچیلیگی و رفاهی گه حصه قوشیش گه دوام ایتیشدن عبارت" دییه قید ایتگن لیگی بیلدیریلماقده. 

خبرتورک روزنامه سی, تورکیه جمهوریتی صنایع و تکنالوژی وزیری مصطفی وارانک نینگ توناون تویتر آرقه لی بیرگن بیاناتیده, می آییده گی صنایع بوییچه تولیدات باره سیده معلومات بیرگن لیگی نی یازماقده. 

خبرده, وارانک نینگ, "می آییده صنایع بوییچه تولیدات ییل لیک مقیاسده 40 فایز و آیلیک مقیاسده ایسه 1,3 فایز گه آشدی. اوشبو وضعیت 2021- ییل نینگ ایککینچی ربعی ده اقتصادی میز نینگ آرتیشی بوییچه امید لری میز نی کوچه یتیردی" دییه قید ایتگن لیگی گه دقت قره تیلماقده. 

ستار روزنامه سی, اوروپا بیرلیگی نینگ ایچکی ایش لر بوییچه کمیساری ایلوا جوهانسون نینگ, یونان نینگ ناقانونی روشده مهاجر لرنی دینگیز آرقه لی تورکیه گه هیده ب یوباریاتگن لیگی نی بیلدیرگن لیگی نی معلوم قیلماقده. 

خبرده, جوهانسون نینگ, بونینگ 'اوروپا نینگ اساسی ارزش لری نینگ اخلالی' دن عبارت ایکن لیگی نی معلوم قیلگن لیگی ایسله تیلماقده.