چاووش اوغلی تلفن آرقه لی یونانلیک کسبداشی دندیاس بیلن سوزله شدی

تورکیه نینگ غالاتا سارای فوتبال تیمی, اولمپیاکوس بیلن اوینه یدیگن تیارگرلیک مسابقه سی اوچون بارگن یونان ده پی سی آر تست لری نینگ قبول قیلینمه گن لیگی سببلی قیتیب کیلیش گه قرار قیلدی. 

اوشبو ینگیلیک آرتیدن تورکیه جمهوریتی تشقی ایش لر وزیری مولود چاووش اوغلی, خوددی شوو توغریده تلفن آرقه لی یونانلیک کسبداشی نیکوس دندیاس بیلن سوزله شدی. 

صحبتده, غالاتاسارای بیلن علاقه لی اوشبو یمان رویه توغریسیده گی راحتسیزلیک یونان تامانی گه بیلدیریلدی. 

چاووش اوغلی, غالاتاسارای تیمی گه قرشی اوشبو یمان رویه گه قرشی تویتر آرقه لی هم عکس العمل کورستدی. 

چاووش اوغلی, تویتر آرقه لی بیرگن بیاناتیده, "بوگون (توناون) غالاتاسارای فوتبال تیمی میز نینگ یونان ده دوچ کیلگن یخشی نیت و نازک طبیعت لیک دن اوزاق اوشبو رویه نینگ قبول قیلینیشی ممکن ایمس.  برچه تیم لری میز نینگ هردایم یانیده میز" دییه قید ایتدی. 

عدالت و رواجله نیش حزبی نینگ سوزچیسی عمر چلیک هم اجتماعی ترماق آرقه لی بیرگن بیاناتیده اوشبو توغریده یونان گه عکس العمل کورستدی. 

چلیک بیاناتیده, "یونان نینگ, غالاتاسارای تیمی گه قرشی رویه سی نی قتتیق قاره له یمیز.  یمان نیت و یمانلیک نینگ سپورتده اورنی یوق. غالاتاسارای دنیا ده اعتبارلی بیر تیمی میز.  یونان اوتوریته لری نینگ قیلگن بو حرمتسیزلیگی نینگ قبول قیلینیشی هیچ بیر شکلده ممکن ایمس.  یونان مقام لری نینگ غالاتاسارای گه قرشی قیلگن اوشبو حرمتسیزلیگی فقط گینه اوز لری گه یره شدی.  دوستلیک و سپورت بیلن علاقه سی بولمه گن, هر جهت دن اویغون سیز قبول قیلینگن رویه لرنی یادداشت قیلیب قویه میز" دییه قید ایتدی.