تورکیه نینگ دیاربکر ولایتیده گی هوسال باغچه لری توغریسیده قیسقه معلومات

تورکیه نینگ دیاربکر ولایتیده جایلشگن هوسال باغچه لریده تقریباً سککیز مینگ ییلدن بیری ایکینچیلیک قیلینیاتگن لیگی نی بیله سیز می؟

هوسال باغچه لری, دیاربکر نینگ جنوبشرقیده, تاریخی دیوار لر بیلن دجله دریاسی اورته سیده, دریا بیلن تاشینگن برکتلی توپراق لردن تشکیل تاپرایکن, تقریباً 7 یوز هکتارلیک ثمره لی ییرلردن عبارت.  دیوار لرنینگ یانیده, فرقلی میوه درخت لری نینگ و سبزه باغچه لری نینگ موجود بولگن هوسال باغچه لری, مینگلب ییل دوامیده شهر نینگ میوه و سبزه احتیاجی نی تامین ایتیب بیرگن.  فرقلی تور لرنینگ ییتیشیشی ممکن بولگن بای بیر توپراققه ایگه هوسال باغچه لری, عینی دمده جنوبشرقی اناطولی منطقه سی نینگ اینگ بای قوش مرکزی دن عبارت.  تقریباً 180 قوش توری نینگ موجود بولگن اوشبو طبیعی ساحه, قوندوز, تولکی و تیپره تیکن کبی کوپلب حیوان لر گه هم میزبان قیلماقده. 

میلادی 2013- ییلده دنیا میراث لستی گه کیریتیلیشی اوچون دیاربکر دیوار لری بیلن بیرگه یونسکو گه کاندید قیلیب کورسه تیلگن هوسال باغچه لری, 2015- ییلده دنیا میراثی اوله راق اعلان قیلیندی.