تورکیه مطبوعاتیدن خلاصه لر 12.07.2021

صباح روزنامه سی, تورکیه جمهوریتی جمهوررئیسی رجب طیب ایردوغان نینگ, بوسنیا- هرزگوینا ده سریبرینیتسا قیرغینی نینگ 26- ییلی مناسبتی بیلن ترتیب لنگن مراسم گه یوبارگن ویدیویی پیامیده, "اوروپا و بشریت تاریخی نینگ بو قاره لکه سی نینگ, هیچ بیر شکلده ایسدن چیقاریلیشی گه اجازت بیرمه یمیز" دییه قید ایتگن لیگی نی معلوم قیلماقده. 

ینی شفق روزنامه سی, جمهوررئیس رجب طیب ایردوغان نینگ, قبرس تینچلیک عملیاتی نینگ 47- ییلی مناسبتی بیلن لیفکوشه ده جاری آی نینگ 16- و 19- کون لری آره سیده بولیب اوته دیگن 'خلق ارا شمالی قبرس فرهنگ و سپورت فستیوالیده وزیر لر و سابق فوتبالچی لر دن تشکیل تاپگن' مسابقه گه اشتراک ایته دیگن لیگی نی بیلدیرماقده. 

خبرده, جمهوررئیس ایردوغان نینگ مسابقه آلدی دن دنیا گه مهم پیام لر بیره دیگن لیگی معلوم قیلینماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ, یونانلیک کسبداشی نیکولاس پاناگیوتوپولوس نینگ تورکیه گه قرشی سوز لری گه عکس العمل کورستگن لیگی نی یازماقده. 

خبرده, آقر نینگ, "یونان, تحریک ایتووچی, حقوققه ضد, اوزی امضاله گن کیلیشوو لر گه هم رعایت قیلمه گن و بحران لرنی آرتیروچی بیر سیاست آلیب بارماقده" دییه قید ایتگن لیگی ایسله تیلماقده.

حریت روزنامه سی, تورکیه جمهوریتی ترانسپورت و زیربنا وزیری عادل قاره اسماعیل اوغلی نینگ, دولت هوا میدان لری اداره سی هوا ترافیک کنترول مرکزی نینگ جاری ییل نینگ دستلبکی 6 آییده اوچیش ترافیکی نینگ باشقریلیشی جهتی دن اوروپا ده بیرینچی اوریننی ایگلله گن لیگی نی بیلدیرگن لیگی گه دقت قره تماقده. 

ستار روزنامه سی, میلادی 2020- ییل جنوری بیلن جون آی لری آره سیده تورکیه نینگ 457 میلیون 919 مینگ دالرلیک سوو محصولاتی صادر قیلگن لیگی نی معلوم قیلماقده. 

خبرده, جاری ییل نینگ خوددی شوو دوریده ایسه اوشبو رقم نینگ 42 فایز گه آشیب 649 میلیون دالر گه کوتریلیب کیتگن لیگی بیلدیریلماقده.