تورک دینگیز کوچلری کینگ – کولملی حربی سینش اوتکزماقده

تورک دینگیز کوچلری کینگ – کولملی حربی سینش اوچون ایگی و شرقی اورته ییر دینیگیزگه آچیله دی.

مارچ آییده گی "ماوی وطن" سینشیدن کیین بوگون باشله گن "دینگیز بوریسی 2021" سینشی گه 132 ته کیمه، 10 ته سوو آستی، 43 ته اوچاق، 28 ته تیک اوچر و 14 ته انسانسیز هوا واسطه سی قتنشماقده.

ییر و هوا کوچلری قاله ویرسه ته دولت اداره سی و تورک قیزیل آیی بیلن همکارلیک سینله دی.

بو همکارلیک بیلن 25500 پرسونل نینگ ساحه ده بولیشی کوزده توتیلگن.

دینگیز بوریسی 2021 سینش ستراتیژیک مقیاسده عملیات گه تیارگرلیک نی اوز ایچی گه آلماقده.

حربی کوچ و تیملرنینگ سوو اوستی حربی، سوو آستی مدافعه حربی، الکترونیک حرب، سوو آستیدن پرسونل قوتقروو فعالیتلریدن عبارت.

سینش نینگ سونگگی باسقیچیده 83 ته کیمه، ایگی و اورته ییر دینگیزیده 22 ته بندرگه باره دی.

آلدینگی ییللرنینگ عکسینچه کروناویروس گه قرشی چاره – تدبیرلر باعث کیمه لر وطنداشلر اوچون نمایش قیلینمه یدی.

دینگیز بوریسی 2021 سینشی 5 جونده شرقی اورته ییر دینگیزیده گی کوزه توو کونی اداغگه ییتیب باره دی.