اوروپا هوا سیر و سفر امنیتی تشکیلاتی (EUROCONTROL) تامانیدن ترقه تیلگن میلادی 2021- ییلی نینگ دستلبکی تورت آی (جنوری- اپریل) اوچیش لری بیلن علاقه لی راپور گه کوره, استانبول هوا قونلغه سیده 63 مینگ 64 اوچیش عملگه آشیریلگن. 

 اوشبو رقم بیلن استانبول هوا قونلغه سی اوروپا ده بیرینچی اوریننی کسب ایتدی. 

پاریس شارل دوگل (53 مینگ 921 اوچیش), امستردام شیپخول (52 مینگ 532 اوچیش) و فرانکفورت (52 مینگ 464 اوچیش) هوا قونلغه لری استانبول هوا قونلغه سی آرتیدن ایککینچی, اوچینچی تورتینچی اوریننی ایگلله دی. 

مادرید باراجاس هوا قونلغه سی ایسه 42 مینگ 543 اوچیش بیلن بیشینچی اوریننی کسب ایتدی. 

استانبول هوا قونلغه سی اداره سی تامانیدن بیریلگن بیاناتده, "میلادی 2021- ییل نینگ دستلبکی تورت آییده اوروپاده بیرینچی اوریننی ایگلله دیک.  جنوری- اپریل آی لریده, باشقه هوا قونلغه لری بیلن سالشتیریلگنده اوروپا ده اینگ کوپ اوچیش عملگه آشیرگن هوا قونلغه سی بولدیک. بو همه میز اوچون مقتاوگه سزاوار بیر وضعیت" دییه قید ایتیلدی.