جمهور باشلیغی ایردوغان حربیلر بیلن افطار پروگرامی گه قتنشدی
اوشبو افطار پروگرامی 4- قول اردو تامانیدن اویوشتیریلگندی
تورکیه جمهور باشلیغی رجب طیب ایردوغان،
"ایندی اوچاق بمبلریمیز، مهماتلریمیز، راکتلریمیز و حربی مرمیلریمیزنینگ منفجره موادلری توغریسیده هیچ کیم گه باغلیق بولیب قالمه یمیز" دیدی.
جمهور باشلیغی ایردوغان ماشین و کیمیا صنایع باشقرووی باروتسان راکت و منفجره مواد فابریکه سیده انرژیتیک ماتریاللر ایشلب چیقریش میکانیزمی آچیلیش پروگرامی گه قتنشدی.
ایردوغان انرژیتیک ماتریاللر ایشلب چیقریش میکانیزمی بیلن اولکه اوله راق ینگی تیزیم منفجره مواد ایشلب چیقریش ظرفیتیده یوکسک سویه گه چیقدیک" دیب ایتدی.
"چیت ایلدن تامین ایتیلگن باروت تیزیمی ایندی بوتونله ی محلی امکانیتلر بیلن ایشلب چیقریله دی" دیب خبر بیردی.
ایردوغان جنابلری "ماشین و کیمیا صنایعیمیزنینگ خصوصی سکتور بیلن یقین همکارلیک ایچپیده بولیب اردومیزنینگ برچه ضرورتلرینی تامین ایتیب چیت ایل گه باغلیق بولیب قالیش نی برطرف ایته دیگن، بیز بیلن بیرگه لیکده اورتاقلریمیزنی هم قوللب – قوتله یدیگن بیر تیزیم قولگه کیریتیش نی خواهله یمیز" دیب گپیردی.
ایردوغان کیین 4- قول اردو قومندانلیگی گه باردی و عسکرلر بیلن افطار پروگرامی گه قتنشدی. افطار پروگرامی گه ملی مدافعه وزیری خلوصی آقر هم اورین آلدی.
