بلینکن تلفن آرقه لی علی اف بیلن سوزله شدی

امریکا قوشمه ایالتلری تشقی ایش لر وزیری آنتونی بلینکن, تلفن آرقه لی, آذربایجان جمهوررئیسی الهام علی اف بیلن سوزله شدی. 

صحبتده قاره باغ موضوعی بوییچه بحث ایتیلگن لیگی بیلدیریلدی. 

امریکا قوشمه ایالتلری تشقی ایشلر وزیرلیگی سوزچیسی نید پرایس, بلینکن بیلن علی اف نینگ, امریکا قوشمه ایالتلری و آذربایجان اورته سیده گی مناسبت لرنینگ اهمیتی گه دقت قره تیب کوپلب موضوع لر بوییچه بحث ایتگن لیکلرینی بیلدیردی. 

بلینکن نینگ انسان حق لری و اساسی ایرکین لیک لر نینگ اهمیتی اورغوله گن لیگی نی معلوم قیلگن پرایس, "تشقی ایشلر وزیری, اوروپا خوفسیزلیک و همکارلیک تشکیلاتی دایره سیده منسک گروپی تینگ باشلیق لری نینگ منطقه ده گی برچه انسان لرنینگ فایده سی گه بوله دیگن شکلده قاره باغ منطقه سیده گی اوروش لر گه قالووچی سیاسی بیر ییچیم یولی نینگ تاپیلیشی توغریسیده گی سعی و حرکت لرنینگ اهمیتی گه دقت قره تدی" دییه قید ایتدی. 

خوددی شوو صحبتده, علی اف, امریکا قوشمه ایالتلری دولت رهبری جو بایدن نینگ میلادی 1915- ییلی حادثه لری نی "قیرغین" اوله راق بهالنتیرگن لیگی گه دقت قره ترایکن, "تورکیه, آذربایجان نینگ یقین دوستی و متفقی دیر.  اوروش آرتیدن منطقه میزده اوته مهم و ایجابی رول اوینه یدی.  امریکا قوشمه ایالتلری دولت رهبری نینگ اوشبو بیاناتی, آذربایجان دولتی و خلقی تامانیدن ممنونیتسیزلیک بیلن کوتیب آلیندی" دییه قید ایتدی.