عدالت و ترقیات حزبی سوزچیسی بایدن نینگ سوزلرینی قاره له دی

عدالت و ترقیات حزبی سوزچیسی عمر چیلیک امریکا قوشمه ایالتلری دولت باشلیغی جو بایدن نینگ 1915 حادثه لرینی "نسل قیرغینی" دیب اته شی بیلن تیگیشلی شولرنی ایتدی:

"نسل قیرغینی کلمه سینی ملتیمیز اوچون، وطنیمیز اوچون، تاریخیمیز اوچون ایتیلیشی قبول قیلینمه یدی، بونی استعمال قیلگن لرنی قتّیق قاره له یمیز. مسؤلیتسیز، اساسی بولمه گن، تاریخی اهمیتی بولمه گن بیر یانداشوودیر" دیدی.

چیلیک توناون کونی عدالت و ترقیات حزبی نینگ جلسه سی جریانیده بیانات بیردی.

عمر چیلیک 1915 حادثه لری توغریسیده امریکا قوشمه ایالتلریده هم دموکرات حزبی همده جمهوریتچی جهتیدن آلیب باریلگن سیاست نینگ ایلک مرته بیر دولت باشلیغی تامانیدن ترک ایتیلگن لیگینی ایتدی.

هم تاریخی راپورلر بیلن همده حقوقی اساسلر بیلن هیچ قنده ی علاقه سی بولمه گن بیر وضعیت بیلن دوچ قالینگن لیگینی تیلگه آلگن چیلیک، بو سیاستلرنینگ دیاسپوره ده گی ارمنی افراطی منفعتچی گروپلرنینگ تاثیری آستیده ایکن لیگینی افاده ایتدی.

بو گروپلرنینگ ارمنستان سیاستینی و انچه دولتده گی سیاست نی هم تاثیر آستیگه آلگن لیگینی معلوم قیلگن چیلیک ایلک مرته بیر دولت باشلیغی نینگ بیر افراطی گروپ نینگ تاثیری آستیگه قالگن لیگینی کورگن لیکلرینی بیان ایتدی.

سیاست و دیپلوماسی نینگ تاریخی قضاوت ساحه سی ایمس ایکن لیگینی اورغوله گن چیلیک شولرنی ایتدی:

تاریخ نی قیین وضعیت گه کیلتیریووچی هیچ بیر اورونیش ضرورت بولمه گن آسان بیر حادثه دیر. شونده ی بولیب افسوسکی سیاست و دیپلوماسی نینگ موجود بولیش سببینی هم کورمه گن تارگینه بیر یانداشوو بیلن دوچ قالگن میز" دیدی.

تورکیه نینگ بو توغریده حساس ایکن لیگینی اورغوله گن و 1948 تاریخیده گی بیرلشگن ملتلر تشکیلاتی نسل قیرغینی جرمی گه توسیق بولیش و جزالنتیریلیش کیلیشوویگه 1950 ییلیدن بیری طرفداری ایکن لیگینی بیلدیرگن چیلیک 1915 حادثه لریده نسل قیرغینی دیب اتله دیگن هیچ بیر نرسه نینگ و نتیجه نینگ موجود ایمس ایکن لیگینی انیق شکلده اورته گه قوییلگن لیگینی تیلگه آلدی.