طالبان: خارجی کوچلرنینگ افغانستاندن چیقمسلیگی تقدیرده هیچ بیر کنفرانس گه اشتراک ایتمه یمیز

طالبان, چیت ایللیک کوچلرنینگ افغانستاندن چیقمس لیگی تقدیرده افغانستان بیلن علاقه لی هیچ قنده ی بیر کنفرانس گه اشتراک ایتمه دیگن لیگی نی معلوم قیلدی. 

طالبان نینگ قطرده گی سیاسی دفتری نینگ سوزچیسی محمد نعیم وردک, اجتماعی ترماق آرقه لی بیرگن بیاناتیده, طالبان نینگ برچه ایشلر بوییچه مصلحت بیلن قرار قیله دیگن لیگی گه دقت قره ترایکن, چیت ایللیک کوچ لرنینگ افغانستان دن چیقمسلیگی تقدیرده, افغانستان توغریسیده گی هیچ قنده ی بیر کنفرانس گه اشتراک ایتمه یدیگن لیک لری نی بیلدیردی. 

تورکیه جمهوریتی تشقی ایش لر وزیرلیگی, تورکیه, قطر و بیرلشگن ملتلر تشکیلاتی نینگ تینگ تنظیم ایتووچیلیگیده, 24 اپریل- 4 می آره سیده استانبولده افغانستان اسلام جمهوریتی و طالبان نماینده لری اورته سیده یوقاری سویه لی و کینگ کولملی کنفرانس بولیب اوته دیگن لیگی نی بیلدیرگن ایدی.

امریکا قوشمه ایالتلری رهبریتی دن اسمی نینگ بیلدیریلمس لیگینی طلب ایتگن بیر مسئول کیشی بیرگن بیاناتیده, "جدی تیکشیرو لر آرتیدن دولت رهبری جو بایدن, امریکا نینگ افغانستانده گی حربی لری نینگ چیقیشی و شونده ی قیلیب امریکا نینگ افغانستان ده گی اوروشی نینگ اداققه ییتیشتیریلیشی گه قرار قیلدی.  1- می کونیدن آلدین منظم روشده چیقیش پروسه سی نی باشله ته میز و 11- سپتامبر کونی دن آلدین امریکا نینگ اوشبو اولکه ده گی برچه حربی لری نی چیقاریش نی ریجه له ماقده میز" دییه قید ایتگن ایدی. 

رسمی معلومات لر گه کوره حاضرگی کونده افغانستانده 2 مینگ 500 نفر امریکالیک حربی نینگ موجود ایکن لیگی بیلدیریلماقده.