تورک سیاستچیلر ایتالیا باش وزیری نینگ جمهوررئیس ایردوغان حقیده گی سوز لری گه عکس العمل کورستدی
تورک سیاستچیلر اوشبو توغریده اجتماعی ترماق آرقه لی بیانات بیردی
ایتالیا باش وزیری ماریو دراگی نینگ تورکیه جمهوریتی جمهوررئیسی رجب طیب ایردوغان حقیده گی سوزلری گه تورک سیاستچیلر قتتیق عکس العمل کورستدی.
تورکیه جمهوریتی پارلمانی نینگ باشلیغی مصطفی شنتوپ, تویتر آرقه لی بیرگن بیاناتیده, "ایتالیا نینگ چاره سیزلیک سببلی باش وزیر قیلگن بو کیشی نینگ تورکیه و جمهوررئیسی میز گه قره تیلگن جیرکنچ سوز لری نی رد ایتیب اوزی گه قیتریب بیره میز. تجربه سیز و سویه سیز سیاستچی اولکه سی گه آغیر و یمان بیر یوک دن عبارت" دییه قید ایتدی.
جمهوررئیس اورینباسری فواد اوکتای هم اوشبو توغریده تویتر آرقه لی بیانات بیردی.
اوکتای بیاناتیده, "توختاوسیز روشده اولکه سی و ملتی نینگ منفعت لری نی اویله گن, هر خیل فاشیزم و وصایت گه قرشی مخالفت قیلگن, برچه سیلاو لرده خلقی میز نینگ حمایه سی بیلن غلبه قازانگن حرمتلی جمهوررئیسی میز حقیده باش وزیر دراگی نینگ بو ادبسیز سوزلری نی قاره لرایکن, اونی کیچیریم سوره ش گه چقیره من" دییه قید ایتدی.
جمهوررئیسلیک سوزچیسی ابراهیم قلین هم اوشبو توغریده اجتماعی ترماق آرقه لی بیانات بیردی.
قلین اوشبو توغریده بیرگن بیاناتیده, "اوروپا بیرلیگی کینگشی نینگ باشلیغی نینگ میشل پروتکل نظمی بوییچه تورکیه دن منشا آلگن بیر معما نینگ موجود ایمس لیگی نی بیلدیرگن لیگی گه قره می, ایتالیا نینگ انتصابی باش وزیری دراگی نینگ جمهوررئیسی میزگه قره تیلگن سوز لری ادبسیزلیک بولیب اساسسیزدیر. بو سوز لرنی قاره لرایکن, توزه تیلیشی نی کوتماقده میز" دییه قید ایتدی.
جمهوررئیسلیک ارتباط لر ریاستی نینگ باشلیغی فخرالدین آلتون, اوشبو توغریده اجتماعی ترماق آرقه لی ایتالیا تیلیده بیر پیام ترقتدی.
آلتون اوشبو پیامیده, "ایتالیا نینگ انتصابی باش وزیری, تورک خلقی تامانیدن 52 فایز رای بیلن جمهوررئیس ایتیب سیلنگن حرمتلی رجب طیب ایردوغان گه 'دیکتاتور' دیب ادبسیزلیک قیلدی. دیپلوسیده اورنی بولمه گن بو طرزنی قتتیق بیر شکلده قاره له یمیز. دیکتاتور قیدیریاتگن ایتالیا اوز تاریخی گه قره سین" دییه قید ایتدی.
تورکیه جمهوریتی عدلیه وزیری عبدالحمید گل هم اوشبو سوز لر گه قرشی عکس العمل کورستدی.
گل, "ادب و تربیه سی بولمه گن ایتالیا باش وزیری نینگ ادبسیز بیاناتی نی قاره له یمیز. دیکتاتور کورماقچی بولسه اوز تاریخی گه قره سین" دییه قید ایتدی.
