تورکیه مجلس باشلیغی بیلن همراهیده گی هیئات اوکراین گه سفر قیلیب باره دی

تورکیه جمهوریتی بویوک ملت مجلس باشلیغی مصطفی شنتوپ بیلن همراهیده گی هیئات 5-6 مارچ تاریخلریده اوکراین گه سفر قیلیب باره دی.

شنتوپ نی پایتخت کیف ده اوکراین مجلس باشلیغی دیمیترو رازوموف کوتیب آله دی.

شنتوپ بیلن رازوموف یوزمه یوز اوچره شوونینگ آرتیدن هیئاتلر ارا اوچره شووگه باشچیلیک قیله دی، کیین مطبوعاتی کنفرانس اویوشتیره دی.

شنتوپ اوکراین مجلسیده گی شرف کتابچه سی گه خاطره یازیب قول قویه دی.

عین دمده پایتخت کیف ده جایلشگن ظفر میدانی گه باریب او جایده گی مجهول عسکر یادگارلیگی گه گل قویه دی.

مجلس باشلیغی شنتوپ و همراهیده گی هیئات اوچره شوولری چوکاتیده اوکراین جمهور باشلیغی ویلادیمیر زلنسکی تامانیدن قبول قیلینه دی و باش وزیر دینیس شمیحال و تشقی ایشلر وزیری دیمیترو کولبا بیلن اوچره شه دی.

شنتوپ جنابلری قیریم تاتار تورکلری، مسخیتی تورکلری و گاگاوز تورکلرینی جدا جدا قبول قیلیب ملاقات قیله دی. اونینگ آرتیدن اوکراین ده گی تورک سوداگرلری و تورک وطنداشلری بیلن اوچره شه دی.

شونده ی بولیب اوکراین ده گی تاریخی جایلرنی باریب کیزه دی.