تورکیه افغانستان بیلن مناسبت لری نی کوچه یتیریش نی آرزو قیلیاتگن لیگی نی بیلدیردی

تورکیه, برچه ساحه لر بوییچه افغانستان بیلن بولگن مناسبت لرنینگ رواجله نیشی نی آرزو قیلیاتگن لیگی نی معلوم قیلدی. 

تورکیه جمهوریتی تشقی ایش لر وزیرلیگی تامانیدن اوشبو توغریده بیانات بیریلدی. 

بیاناتده, میلادی 2021- ییل 1 مارچ کونی نینگ تورکیه بیلن افغانستان اورته سیده دیپلماتیک مناسبت لرنینگ باشله گن لیگی نینگ 100 ییل لیگی ایکن لیگی گه دقت قره تیلدی.

بیاناتده اوشبو مناسبت بیلن ایریم مراسم لرنینگ بولیب اوته دیگن لیگی معلوم قیلیندی.

عینی دمده بیاناتده اوشبو دایره ده, تورکیه جمهوریتی تشقی ایش لر وزیری مولود چاووش اوغلی و افغانستان نینگ انقره ایلچی سی امیر محمد رامین نینگ اشتراکی بیلن 1 مارچ کونی تشقی ایش لر وزیرلیگی ده اولکه لر اورته سیده گی دوست لیک اوچون کوچَت ایکیله دیگن لیگی و کیین ایسه چاووش اوغلی نینگ افغانستان لیک کسبداشی حنیف اتمرمیزبان لیگی ده کابل ده بولیب اوته دیگن مراسم گه انترنت آرقه لی اشتراک ایتیب صحبت قیله دیگن لیگی بیلدیریلدی. 

ایککی اولکه اورته سیده 1921- ییل 1 مارچ کونیده امضالنگن تورکیه- افغانستان دوست لیک کیلیشووی بیلن دیپلماتیک مناسبت لرنینگ باشله گن لیگی بیلدیریلگن بیاناتده, تورکیه نینگ کابل سفارتی نینگ, 1919- ییل ده استقلالی نی کسب ایتیشی آرتیدن افغانستان ده فعالیت باریاتگن بیرینچی سفارت بولگن لیگی و افغانستان نینگ تورکیه بویوک ملت مجلسی نی تن آلگن ایککینچی اولکه دن عبارت بولگن لیگی بیلدیریلدی. 

بیاناتده, "تورکیه- افغانستان دیپلماتیک مناسبت لری نینگ 100 ییل لیگی نینگ کوتیب آلینیاتگن اوشبو کونده, همکارلیگی میز نینگ برچه ساحه لر بوییچه رواجلنتیریلیشی, افغانستان ده دوام ایتیاتگن زورانلیک نینگ زود لیک بیلن اداققه ییتیشیشی و اولکه ده قالووچی بیر تینچلیک نینگ اورنه تیلیشی نی آرزو قیلماقده میز" دییه قید ایتیلدی.