چاووش اوغلی قطعه لر ارا اقتصادی همکارلیک ییغیلیشی گه اشتراک ایتدی

تورکیه جمهوریتی تشقی ایش لر وزیری مولود چاووش اوغلی, 18- قطعه لر ارا اقتصادی همکارلیک ییغیلیشی گه اشتراک ایتدی. 

چاووش اوغلی تویتر آرقه لی بیرگن بیاناتید, آنلاین بولیب اوتگن اوشبو ییغیلیش گه مکسیکو, اندونزیا, جنوبی کوریا و آسترالیا تشقی ایش لر وزیر لری نینگ اشتراک ایتگن لیگی نی بیلدیردی. 

چاووش اوغلی, حاضرگی دور ریاستی نی آلگن آسترالیا گه تبریک بیلدیررایکن, آلدینگی دور باشلیغی بولگن جنوبی کوریا گه ایسه منتدارچیلیک بیلدیردی. 

" قطعه لر ارا اقتصادی همکارلیک نینگ کوپ تامانلمه دیپلماسی جهتی دن یخشی بیر اورنک" ایکن لیگی نی بیلدیرگن چاووش اوغلی, تورکیه نینگ پروسه گه حصه قوشیش گه دوام ایته دیگن لیگی نی معلوم قیلدی. 

میلادی 2013- ییل 25 سپتامبرده تشکیل ایتیلگن قطعه لر ارا اقتصادی همکارلیک مکسیکو, اندونزیا, جنوبی کوریا, تورکیه و آسترالیا اورته سیده بیر مشوره میکانیزمی اوله راق فعالیت آلیب بارماقده. 

تشقی ایش لر وزیرلری ییغیلیشی سویه سیده بولیب اوتیاتگن قطعه لر ارا اقتصادی همکارلیک ییغیلیش لری حاضرگی دور باشلیغی بولگن اولکه ریاستی ده بولیب اوتماقده.