ایردوغان تامانیدن باشقریلیاتگن تورکیه دنیا ده کوچلی بیر اولکه دن عبارت

یونان نینگ جنوبی ایگه ی منطقه سی والی سی نینگ اورینباسری یوانیس فلیواریس, تورکیه نینگ دنیا ده اعتبار گه ایگه, کتته و کوچلی بیر اولکه دن عبارت ایکن لیگی نی معلوم قیلدی. 

فلیواریس, یونان نینگ دیموکراتیکی ناملی بیر نشراتی اورگانی گه یازگن مقاله سیده تورک تشقی سیاستی نی بهالنتیردی. 

فلیواریس, تورکیه نینگ کوچلی بیر اردوسی بولگن, دنیا بویلب اعتبار ایگه سی کتته و کوچلی بیر اولکه دن عبارت ایکن لیگی نی بیلدیردی. 

فلیواریس, "تورکیه, 20 ییل گه یقین بیر مدت دن بیری, اوزی گه ایشانگن و کتته پلان لر گه ایگه رهبر بولگن جمهوررئیس رجب طیب ایردوغان تامانیدن باشقریلیب کیلماقده" دییه قید ایتدی. 

یوانیس فلیواریس, تورکیه نینگ, 'ماوی وطن' دایره سیده, شرقی اورته ییر دینگیزی ده مهم بیر منطقه گه حاکم بولیش نی ریجه لیاتگن لیگی نی ایسله تیب اوتدی.

فلیواریس, تورکیه نینگ لیبیا بیلن کیلیشوو امضالب موازنه لرنی اوزگرتیرگن لیگی نی معلوم قیلدی. 

یوانیس فلیواریس, "تورکیه, شرقی اورته ییر دینگیزیده, منطقوی بیر کوچ کبی حرکت ایتماقده, امریکا قوشمه ایالتلری, اوروپا بیرلیگی, روسیه,  مصر, اسرائیل, فرانسه و سعودی عربستان گه قرشی آرقه گه قدم تشله مه گن بیر سیاست آلیب بارماقده" دییه قید ایتدی.