ایردوغان: اوروپا بیرلیگی بیرگن هیچ بیر وعده سی گه وفا قیلمه دی

تورکیه جمهوریتی جمهوررئیسی رجب طیب ایردوغان, اوروپا بیرلیگی نینگ حاضرگی کون گه قدر بیرگن هیچ بیر وعده سی گه وفا قیلمه گن لیگی نی معلوم قیلدی. 

جمهوررئیس ایردوغان, استانبولده ترتیب له گن مطبوعاتی کنفرانسی جریانیده بیرگن بیاناتیده, توناوون کرونا ویروس گه قرشی واکسین بولگن لیگی نی بیلدیررایکن, اوشبو واکسین نینگ هیچ قنده ی بیر جانبی تاثیری نینگ موجود ایمس لیگی نی ایسله تیب اوتدی. 

ایردوغان, 28 کون کیین ایسه ایککینچی مرته واکسین بوله دیگن لیگی نی معلوم قیلدی. 

تورکیه بیلن اوروپا بیرلیگی اورته سیده گی مناسبت لر توغریسیده ایسه ایردوغان, "میلادی 1963- ییل دن بیری اوروپا بیرلیگی بیلن بولگن مناسبت لری میز نی مثبت جهت ده دوام ایتتیریش گه اینتیلیب کیلدیک.  افسوس که اوروپا بیرلیگی حاضرگی کون گه قدر بیزگه بیرگن وعده لری نینگ هیچ بیری گه وفا قیلمه دی.  ایندی ایسه ینگی بیر پروسه باشله گن وضعیتده.  اوچره شوو لری میز جدل روشده دوام ایتماقده" دییه قید ایتدی. 

ایردوغان, تورکیه نینگ روسیه دن اس 400 هوا مدافعه تیزیم لری ساتیب آلگن لیگی اوچون امریکا قوشمه ایالتلری نینگ راحت سیز بولگن لیگی توغریسیده هم سوز یوریتدی. 

جمهوررئیس ایردوغان اوشبو توغریده, "بیز نینگ مدافعه صنایع سی بوییچه تشله یدیگن قدم لری میز نی باشقه هیچ بیر اولکه نینگ انیقله شی ممکن ایمس.  بو بوتونلی بیزنینگ تامانی میزدن قیلینه دیگن قرار دن عبارت.  بیز روسیه بیلن اس 400 لر توغریسیده بیرینچی باسقیچ نی حل ایتدیک.  ایککینچی باسقیچ دوام ایتماقده.  جاری آی نینگ اداغیده روسیه بیلن اوچره شوو لری میز بوله دی.  اوشبو اوچره شوو لر دایره سیده کوپلب موضوع لر توغریسیده بحث ایته میز.  امریکا قوشمه ایالتلری دولت رهبری ایتیب سیلنگن جو بایدن رهبریتی نینگ اوشبو خصوصده قنده ی بیر سیاست آلیب باره دیگن لیگی نی بیلالمه یمیز.  ناتو اولکه سی اوله راق هم ناتو ده گی اولکه لرنینگ بیز گه یول کورسه تیشی نی قبول قیلمه یمیز" دییه قید ایتدی. 

ایردوغان, تورکیه نینگ اف- 35 اوروش طیاره لری نینگ پولی نی بیریلگن لیگی گه قره مسدن امریکا قوشمه ایالت لری نینگ اوشبو اوچاق لرنی حاضرگی کونده هم بیرمه گن لیگی نی معلوم قیلدی. 

جمهوررئیس ایردوغان, "امریکا قوشمه ایالت لری نینگ متفق بیر اولکه صفتیده بیز گه قرشی آلیب باریاتگن سیاستی جداً ناتوغری بیر حرکت.  اوچره شوو لر آرتیدن بایدن نینگ مثبت قدم لر تشله شی نی امید ایتیب قاله من" دییه قید ایتدی.