تورکیه امریکا قوشمه ایالتلریده گی حادثه لر اوچون اعتدال چقیریغی قیلدی

تورکیه امریکا قوشمه ایالتلریده دولت رئیسلیک سیلاولری نینگ آرتیدن یوز بیرگن ایچکی حادثه لر سببلی خواطرده ایکن لیکلرینی بیلدیردی.

تشقی ایشلر وزیرلیگیدن بیریلگن بیاناتده امریکا قوشمه ایالتلریده توناون کونی کنگره بناسی نینگ مظاهره چیلر تامانیدن باسیب آلیش تشبثی گچه بارگن ایچکی حادثه لرنی خواطر بیلن تعقیب ایتیلگن لیگی قید ایتیلدی.

"امریکا قوشمه ایالتلریده گی برچه تامانلرنی اعتدال و عقل سلیم بیلن حرکت ایتیش گه چقیره میز. امریکا قوشمه ایالتلری نینگ بو ایچکی سیاسی بحراننی ایتوکلیکده اینگیب چیقیشی گه ایشانه میز" دییلدی.

مذکور بیاناتده امریکا قوشمه ایالتلریده گی تورک وطنداشلری نینگ گاوجوم جایلر و مظاهره یوز بیره یاتگن جایلردن اوزاق توریشلری توصیه قیلیندی.