چاووش اوغلی سومالیا ده حیاتی نی یوقاتگن تورک لرنینگ عایله لری بیلن سوزله شدی

تورکیه جمهوریتی تشقی ایش لر وزیری مولود چاووش اوغلی سومالیاده گی ترورچیلیک هجومی عاقبتیده جان بیرگن و یره لنگن تورک وطنداش لری نینگ عایله لری و یقین لری بیلن تلفن آرقه لی سوزله شدی. 

دیپلماتیک منبع لر دن آلینگن معلومات گه کوره, چاووش اوغلی حیاتی نی یوقاتگن کیشی لرنینگ عایله لری گه تسلیت بیلدیررایکن, یره لنگن لرگه ایسه عاجل شفا تیلب قالدی.

عینی دمده چاووش اوغلی, شرکت نینگ ایگه سی بیلن هم سوزله شیب وضعیت بیلن علاقه لی معلومات آلدی و تسلیت بیلدیردی. 

توناوون ایرته لب سومالیا ده اویوشتیریلگن ترورچیلیک هجومی عاقبتیده 2 نفر تورک وطنداشی حیاتی نی یوقاترایکن, 3 تورک ایسه یره لنگن ایدی. 

تورکیه جمهوریتی ساغلیق نی سقلش وزیری فخرالدین کوجه, اوشبو حادثه عاقبتیده یره لنگن 3 نفر تورک وطنداشی نینگ موگادیشو رجب طیب ایردوغان کسلخانه سیده تداوی ایتیلیاتگن لیگی نی معلوم قیلگن ایدی.