تورکیه ده 385  مینگ دن آرتیق کیشی کرونا دن ساغه یدی

تورکیه ده سونگگی 24 ساعت ده 168 کیشی کرونا دن حیاتی نی یوقاترایکن, شونده ی قیلیب حاضرگی کون گه قدر اوشبو ویروس سببلی وفات ایتگن کیشی لر سانی 12 مینگ 840 نفر گه ییتدی. 

خوددی شوو مدت مابینیده تست ایتیلگن 164 مینگ 547 کیشی دن آلتی مینگ 814 نفری نینگ کرونا ویروس تستی مثبت چیقدی. کونده لیک واقعه سانی نینگ ایسه 28 مینگ 351 ایکن لیگی معلوم قیلیندی.

ینه اوچ مینگ 911  کیشی نینگ توزه لیشی بیلن بیرگه ساغه یگن لر سانی 385 مینگ 480 نفر گه ییتدی.

عینی دمده بیلیم کینگشی اعضا لری کرونا ویروس بیلن علاقه لی سونگگی ینگیلیک لر نی بهالنتیریش اوچون ییغیلیش اوتکزدی. 

اوشبو ییغیلیش آرتیدن بیانات بیرگن تورکیه جمهوریتی ساغلیق نی سقلش وزیری فخرالدین کوجه, بوندن کیین علایمی بولمه گن کونده لیک واقعه سانی نی هم بیلدیره دیگن لیک لری نی معلوم قیلدی.