تورکیه ده کروناویروس سببلی ینگی چاره – تدبیرلر قبول قیلیب آلیندی

تورکیه ده ینگی تور کروناویروس (کوید-19) که قرشی کوره شده سونگگی 24 ساعت ده 103 کیشی حیاتینی یوقاترایکن, شونده ی بولیب حاضرگی کون گه قدر اوشبو ویروس سببلی وفات ایتگن کیشی لر سانی 11 مینگ 697 نفر گه ییتدی. 

بیرکون مابینیده تست ایتیلگن 156 مینگ 692 کیشی دن 3 مینگ 819 نفری نینگ کرونا ویروس تستی مثبت چیقدی.

ینه ایککی مینگ 688  کیشی نینگ توزه لیشی بیلن بیرگه ساغه یگن لر سانی 359 مینگ 63 نفر گه ییتدی.

باشقه تاماندن پایتخت انقره ده بولیب اوتگن وزیرلر کینگشی جلسه سی نینگ آرتیدن کسللیک بیلن تیگیشلی ینگی چاره – تدبیرلر قبول قیلیب آلینگن لیگینی بیلدیرگن جمهور باشلیغی رجب طیب ایردوغان مکتبلرنینگ درسلری نینگ میلادی جاری ییل (دسامبر) نینگ آخری گچه اوزاقدن یعنی انترنیت آرقه لی دوام ایته جگینی ایتدی. شونده ی بولیب هفته نینگ آخری (شنبه، یکشنبه) کونلری ساعت 10:00-20:00 دن تشقری کوچه گه چیقیش نینگ توخته تیب قوییلگن لیگینی سودا ساتیق مرکزلری، مارکیت و سلمانی کبی جایلرنینگ عین ساعتگچه فعالیت قیلیشی نینگ ممکن ایکن لیگینی، برچه سپورت بیلله شوولری نینگ تماشاچیسیز بولیب اوته جگی، سینمالرنینگ ایسه ینه ییل نینگ آخریگچه یاپیق بولیب قاله جگینی رستورانتلرنینگ فقط پاکت سرویسی بیلن خذمت بیره جگینی بیلدیردی.