یونان کوچلری تامانیدن هیده ب یوباریلگن قاچقینلر قوتقریب آلیندی

تورکیه نینگ بلیق اسیر ولایتی آیوالیک تومنیده یونان قیرغاق خوفسیزلیک کوچلری تامانیدن هیده ب یوباریلگن 27 نفر قاچقین تورکیه قیرغاق خوفسیزلیگی کوچلری تامانیدن قوتقریب آلیندی.

معدن آرالی دینگیز ساحه سیده پلاستیک قَییق نینگ ایچیده بیر قطار قاچقین بولگن لیگی خبرینی آلیب قیرغاق خوفسیزلیک قومندانلیگی منسوبلری منطقه گه بارگن.

یونان قیرغاق خوفسیزلیک کوچلری تامانیدن هیده ب یوباریلگن 27 نفر قاچقین قوتقریب آلیندی.

مرسین ولایتی دینگیز ساحه سیده هم بیر خصوصی قَییقده 13 نفر قاچقین قولگه آلیندی.

قیرغاق خوفسیزلیک قومندانلیگی نینگ انترنیت سایتی آرقه لی بیریلگن معلوماتده بیلدیریلیشیچه خوفسیزلیک گروهی مرسین دینگیز ساحه سیده بیر قطار قاچقین بولگن لیگی خبرینی آلگن.

منطقه گه سوق ایتیلگن خوفسیزلیک کوچلری اوشبو قَییقده 13 ته قاچقین نی قولگه آلیب قوروقلیک که کیلتیرگنلر.

باشقه تاماندن ازمیر ولایتی سفری حصار تومنیده ایسه بلیق فارمی قفسی بیلن توقنه شیب کیتگن قَییقده 107 ته قاچقین قوتقریب آلیندی.

قیرغاق خوفسیزلیگی قومندانلیگی تامانیدن بیریلگن بیاناتده بیلدیریلیشیچه دینگیز ساحه سیده بیر قطار قاچقین بولگن قَییق نینگ بیر بلیق فارمی قفسی بیلن توقنه شیب کیتگن لیگی خبری کیلگن.

منطقه گه سوق ایتیلگن قیرغاق خوفسیزلیگی قومندانلیگی منسوبلری 107 ته قاچقین نی قوتقریب آلگن.

قاچقینلر رسمی ایشلری نینگ آرتیدن قاچقینلرنینگ اداره سیگه تسلیم بیریلگن لیگی بیلدیریلدی.