تورکیه ده اقتدارده بولگن حزب نینگ سوزچیسی امریکا ده گی سیلاو توغریسیده گپیردی

تورکیه ده اقتدارده بولگن عدالت و رواجله نیش حزبی نینگ سوزچیسی عمر چلیک, امریکا قوشمه ایالتلری ده بولیب اوتگن جمهوررئیسلیک سیلاوی نتیجه سی توغریسیده بیانات بیردی. 

سوزچی گه جو بایدن نینگ امریکا قوشمه ایالتلری نینگ ینگی جمهوررئیسی ایتیب سیلنگن لیگی نی قنده ی بهالنتیریاتگن لیک لری توغریسیده سئوال بیریلدی. 

اوشبو سئوال گه جواب قیترگن چلیک, "امریکا ده گی سیلاو لر نی جوده یقین دن کوزه تدیک.  حاضرگی بحث لر نی هم یقین دن کوزه تماقده میز.  تورکیه, سیلاو نتیجه سی نینگ رسماً انیقله نیشی آرتیدن امریکا خلقی و امریکا دموکراسی سی گه حرمتی دایره سیده جمهوررئیس ایتیب سیلنگن تامان گه اوز تبریک لری نی بیلدیره دی.  بیز سیلاو نتیجه سی نینگ رسماً اعلان ایتیلیشی نی کوتماقده میز.  امریکا ده کیم نینگ جمهوررئیس بولیشی گه قره مسدن, تورکیه نینگ تیارگرلیگی موجود.  تورکیه, نتیجه نینگ رسمی روشده اعلان ایتیلیشی آرتیدن قازانگن تامان گه تبریک بیلدیره دی.  جمهوررئیس ایتیب سیلنگن کیشی و رهبریتی بیلن اویغون سیاست واسطه لری و مناسب سیاسی آجندا بیلن همکارلیک قیله دی" دییه قید ایتدی.