تورکیه نینگ ازمیر ولایتی ده گی زلزله عاقبتیده 100 دن آرتیق کیشی حیاتی نی یوقاتدی
ازمیر ولایتیده 6,6 ریشترلیک ییر قیمیرلش حادثه سی یوز بیرگن ایدی
![تورکیه نینگ ازمیر ولایتی ده گی زلزله عاقبتیده 100 دن آرتیق کیشی حیاتی نی یوقاتدی](http://cdn.trt.net.tr/images/xlarge/rectangle/6daa/709b/7eb9/5fa0fe948b0af.jpg?time=1719132579)
تورکیه نینگ ازمیر ولایتیده یوز بیرگن زلزله عاقبتیده حیاتی نی یوقاتگن لر سانی 102 نفر گه ییتدی.
تورکیه جمهوریتی ایچکی ایش لر وزیرلیگی آفت و عاجل وضعیت لر اداره سی تامانیدن بیریلگن بیاناتده, زلزله عاقبتیده حیاتی نی یوقاتگن کیشی لر سانی نینگ 102 و یره لنگن لر سانی نینگ ایسه 1026 نفر گه کوتریلیب کیتگن لیگی بیلدیریلدی.
یره لنگن کیشی لر دن 883 نفری نینگ تداوی ایتیلیشی آرتیدن کسلخانه دن چیقق لیگی و 143 نفر نینگ ایسه تداوی سی نینگ دوام ایتیاتگن لیگی معلوم قیلیندی.
عینی دمده بیاناتده, 12 بنا ده قیدیرو- قوتقرو فعالیت لری تکمیل بولرایکن, 5 بنا ده ایسه اوشبو فعالیت لرنینگ دوام ایتیاتگن لیگی بیلدیریلدی.
جمعه کونی, تورکیه وقتی بیلن ساعت 14:51 ده ازمیر ولایتی نینگ سفری حصار تومنی ده 6,6 ریشترلیک ییر قیمیرلش حادثه سی یوز بیرگن ایدی.
زلزله نینگ 16,54 کیلومتر چقورلیک ده یوز بیرگن لیگی انیقلنگن ایدی.