تورکیه نینگ ازمیر ولایتی ده گی زلزله عاقبتیده 90 دن آرتیق کیشی حیاتی نی یوقاتدی
ازمیر ولایتیده 6,6 ریشترلیک ییر قیمیرلش حادثه سی یوز بیرگن ایدی
1520364
![تورکیه نینگ ازمیر ولایتی ده گی زلزله عاقبتیده 90 دن آرتیق کیشی حیاتی نی یوقاتدی](http://cdn.trt.net.tr/images/xlarge/rectangle/7ea3/d0d6/2021/5f9ffd520f4d4.jpg?time=1719156087)
تورکیه نینگ ازمیر ولایتیده یوز بیرگن زلزله عاقبتیده حیاتی نی یوقاتگن لر سانی 91 نفر گه ییتدی.
تورکیه جمهوریتی آفت و عاجل وضعیت لر اداره سی تامانیدن بیریلگن بیاناتده, زلزله عاقبتیده حیاتی نی یوقاتگن کیشی لر سانی نینگ 91 و یره لنگن لر سانی نینگ ایسه 994 نفر گه کوتریلیب کیتگن لیگی بیلدیریلدی.
یره لنگن کیشی لر دن 839 نفری نینگ تداوی ایتیلیشی آرتیدن کسلخانه دن چیقق لیگی و 155 نفر نینگ ایسه تداوی سی نینگ دوام ایتیاتگن لیگی معلوم قیلیندی.
عینی دمده بیاناتده, 5 بنا ده قیدیرو- قوتقرو فعالیت لری نینگ دوام ایتیاتگن لیگی بیلدیریلدی.
جمعه کونی, تورکیه وقتی بیلن ساعت 14:51 ده ازمیر ولایتی نینگ سفری حصار تومنی ده 6,6 ریشترلیک ییر قیمیرلش حادثه سی یوز بیرگن ایدی.
زلزله نینگ 16,54 کیلومتر چقورلیک ده یوز بیرگن لیگی انیقلنگن ایدی.