لبنانده تورکیه نی قوللب – قوتلاوچی نمایش اوتکزیلدی

لبنان نینگ پایتختی بیروتده اوتگن هفته بیر گروپ ارمنی تامانیدن تورکیه بویوک ایلچی لیگی قاشیده اوتکزیلگن نمایش گه قرشی تورکیه نی قوللب – قوتلاوچی نمایش اوتکزیلدی.

پایتخت بیروت نینگ شهر مرکزیده جایلشگن کوله منطقه سیده ییغیلگن اصلی تورکیه نینگ ماردین ولایتیدن بولمیش لبنانلیک وطنداشلر تورک و لبنان بیراقلری بیلن بیر قطارده جمهور باشلیغی رجب طیب ایردوغان نینگ فوتو تصویرلرینی آچیب ارمنیلرنینگ نمایشی گه قرشی تورکیه نی قوللب – قوتله گن لیکلرینی بیلدیردیلر.

لبنان و تورکیه ملی مدحیه سینی اوقیگندن کیین ازمیرده جمعه کونی یوز بیرگن ییر قیمیرلش حادثه سیده حیاتینی یوقاتگنلر اوچون بیر لحظه لیک سکوت قیلیب دوعا قیلدیلر. تورکیه جمهوریتی و دولت باشلیغی ایردوغاننی قوللب – قوتله گن لیکلرینی افاده ایتدیلر.

لبنانده گی ارمنی تاشناق حزبی منسوبی بیر قطار کیشی اوتگن هفته تورکیه نینگ بیروت بویوک ایلچی لیگی بناسی نینگ قاشیگه ییغیلیب خوفسیزلیک کوچلریگه قره ته تاش و فیشینگ آتیب هجوم قیلگن ایدی.

اشغال آستیده گی توپراقلرینی قوتقریب آلیش اوچون کوره شیب تورگن آذربایجان گه تورکیه تامانیدن بیریلگن همکارلیکلرگه ناراضی چیلیک بیلدیریب تورکیه و آذربایجانگه قرشی شعار بیرگندن کیین آذربایجان، تورکیه و اسرائیل بیراقلرینی اوتگه بیرگندی.

1920 ییلیدن بیری لبنان گه کوچیب باریش گه باشله گن و پایتخت بیروتده جایلشگن ماردینلیکلرنینگ قریب 17 مینگ ته سی هم تورکیه همده لبنان وطنداش لیگی گه ایگه دیر.