فرانسه ده گی اخلاققه سیغمه گن کاریکاتور گه قتتیق عکس العمل کورسه تیلدی

تورکیه جمهوریتی جمهوررئیس اورینباسری فواد اوکتای, فرانسه نینگ شارلی ابدو مجله سی نینگ, جمهوررئیس ایردوغان بیلن علاقه لی اخلاقی بولمه نشراتی نی قتتیق قاره له گن لیگی نی بیلدیردی. 

اوکتای اوشبو خصوصده تویتر آرقه لی پیام ترقه تدی. 

اوکتای پیامیده, سوز ایرکین لیگی نی بهانه قیلیب هیچ کیمسه نی الده تیشینگیز ممکن ایمس! هیچ توزه لمه گن فرانسه نینگ معنی سیز مجله سی نینگ جمهوررئیسی میز بیلن علاقه لی اخلاقی بولمه گن نشراتی نی قتتیق قاره له یمن.  وجدان و اخلاق ایگه سی خلق ارا جامعه نی هم اوشبو رذیل لیککه قرشی عکس العمل کورسه تیش گه چقیره من" دییه قید ایتدی. 

جمهوررئیسلیک سوزچیسی ابراهیم قلین هم, جمهوررئیس رجب طیب ایردوغان نی هدف قیلیب آلگن بیر "سوزده کاریکاتور" نشر قیلگن فرانسه نینگ شارلی ابدو مجله سی نی قاره له دی.

قلین تویتر آرقه لی بیرگن بیاناتیده, "هیچ بیر ایشانچ, مقدسات و ارزش لر گه قرشی حرمتی بولمه گن فرانسه نینگ اوشبو مجله سی نینگ, جمهوررئیسی میز بیلن علاقه لی نشراتی نی قتتیق قاره له یمن.  بولر فقط گینه اوز مبتذل لیک لری و اخلاق سیزلیک لری نی کورسه تیب بیرماقده.  کیشی لر نینگ حق لری گه هجوم, شوخ طبع لیک و سوز ایرکین لیگی دن عبارت ایمس" دییه قید ایتدی. 

عینی دمده قلین, یخشی نیت ایگه سی همه نی اوشبو چیرکنچ نشرات نی قاره لب رد ایتیش گه چقیردی. 

جمهوررئیسلیک ارتباط لر ریاستی نینگ باشلیغی فخرالدین آلتون هم, تویتر آرقه لی اوشبو خصوصده بیانات بیردی. 

آلتون پیامیده, "بو مجله نینگ فرهنگی عرقچیلیک و نفرت نی ترقه تیش بوییچه خوددی شوو جیرکنچ دن هم یمان فعالیتی نی قاره له یمن. اوشبو سوزده کاریکاتور لر جیرکنچ بولگن لیگی دیک, انسانی اخلاققه هم سیغمه یدی. بو انیق روشده, فرانسه رهبری نینگ اولکه سی اوچون خواهله گن خارجی دشمن لیگی, اسلام هراس لیک و یمان نیتلی بیر فرهنگی محفل نینگ محصولی دن عبارت" دییه قید ایتدی. 

تورکیه نینگ عادی اهالی گه قره تیلگن هر خیل زورانلیک و اسلام آتی بیلن بولیاتگن برچه ترورچیلیک فعالیت لری گه مخالف ایکن لیگی نی انیق روشده کورسه تیب بیرگن لیگی نی معلوم قیلگن آلتون, قوییده گیچه دوام ایتدی:

"عرقچی, خارجی دشمنی, اسلامفوبیک و یهودی دشمنی تحریک لر بیز نی عینی شکلده جواب قیتریش گه اونده یه آلمه یدی. جمهوررئیسی میز خلق ارا وجدان نینگ سیسی بولیش گه دوام ایته دی.  تورکیه کوچه یه دی و فاشیزم بیلن فاشیست لر مغلوب بوله دی.  برچه اوروپا لیک دوست لر نی بونده ی ابتدایی فرهنگی عرقچیلیک, بیلیم سیزلیک و مدنیت سیزلیککه قرشی کوره ش گه چقیره میز" دییه قید ایتدی. 

فرانسه مجله سی گه ینه بیر عکس العمل ایسه عدالت و رواجله نیش حزبی نینگ سوزچیسی عمر چلیک کورسه تدی.

چلیک اوشبو خصوصده تویتر آرقه لی بیانات بیردی. 

چلیک, "بو ذهنیت جیرکنچ بیر وضعیت گه کیلدی" دییه قید ایتدی. 

چلیک, جمهوررئیس ایردوغان نینگ یخشی سیاستی نینگ بو نفرت جبهه سی نینگ ایککی یوزلمه چی اخلاق سیزلیگی نی دیپلماسی و ساحه ده مغلوب ایتیش گه دوام ایته دیگن لیگی نی بیلدیررایکن, عقیده لر گه حرمت کورسه تیاتگن همه نی اوشبو نفرت نشراتی نی قاره لش گه چقیردی.