ایردوغان آلمان پولیسی نینگ مسجد گه قره ته عملیات اویوشتیرگن لیگی نی قاره له دی

تورکیه جمهوریتی جمهوررئیسی رجب طیب ایردوغان, آلمان پایتختی برلین ده مولانا جامع مسجدی گه قره ته پولیس تامانیدن عملیات اویوشتیریلگن لیگی نی قاره لب چیقدی. 

تویتر آرقه لی بیرگن بیاناتیده ایردوغان, "برلین ده عرقچیلیک و اسلام دشمن لیگی دن کیلیب چیققن لیگی انیق بولگن, ایشانچ ایرکین لیگی گه اهمیت بیریلمه گن پولیس نینگ عملیاتی نی قتتیق قاره له یمن" دییه قید ایترایکن, مولانا جامع مسجدی نینگ جماعتی گه همدرد لیک بیلدیردی. 

"تورکیه صفتیده, هیچ بیر سبب نینگ مقدس معبد لر نینگ پایمال ایتیلیشی گه شرایط یره تمه یدیگن لیگی گه ایشانماقده میز" دییه قید ایتگن جمهوررئیس ایردوغان, قییرده و قنده ی شرایطده بولیش گه قره مسدن چیت ایللیک لر و اسلام گه دشمن لیک بیلن عرقچیلیککه قرشی کوره ش آلیب باره دیگن لیک لری نی معلوم قیلدی.

جمهوررئیس ایردوغان, "اوزاق ییل لر دوامیده دموکراسی, انسان حق لری و ایرکین لیک لرنینگ مرکزی دیب قبول قیلینگن اوروپا, افسوس که حاضرگی کونده فرقلی لیک لر گه قرشی کوره شیاتگن بیر مرکز گه ایله نیب قالگن وضعیتده" دییه قید ایتدی. 

برلین ده, کووید 19 دن ضرر کورگن دوکان لر بیلن علاقه لی مادی یاردم نینگ حقسیز بیر شکلده آلینگن لیگی ادعا سی بیلن, 4 دوکان دن تشقری بحث موضوعی مسجد گه هم عملیات اویوشتیریلدی. 

بیر یوز ایللیک پولیس نینگ اشتراک ایتگن اوشبو عملیات ده پولیس لرنینگ مولانا جامع مسجدی نینگ قالین لری نی بوت لری بیلن باسگن لیگی و عملیات نینگ نماز وقتی ده اویوشتیریلگن لیگی عکس العمل گه سبب بولگن ایدی.