آلمان باش وزیری: اروپا بیرلیگی تورکیه بیلن ویزه موضوعی بوییچه اوچره شوو اوتکزه دی

آلمان باش وزیری آنگلا مرکل اروپا بیرلیگی بیلن تورکیه نینگ ویزه سیز اوتیش موضوعی بوییچه دسامبر آییده اوچره شوو اوتکزیشینی خبر بیردی.

مرکل بلجیم نینگ پایتخت بروکسلده گی اروپا بیرلیگی جلسه سیده ایککینچی کونیده اویوشتیریلگن مطبوعاتی کنفرانسده بیانات بیردی.

مرکل تورکیه توغریسیده صمیمی دیالوگ نینگ اهمیتی گه دقت قره تدی.

"تورکیه بیلن مثبت بیر کون ترتیبی خواهله یمیز. سونگگی پیتلرده جمهور باشلیغی رجب طیب ایردوغان بیلن بیر قطار اوچره شوولر اوتکزدیم. مناسبتلرده مثبت بیر کون ترتیبی ایککی تامان نینگ هم منفعتیده دیر. دسامبرده ویزه سیز اوتیش موضوعی کوریشیله دی" دیب ایتدی.

تورکیه نینگ اروپا بیرلیگی نینگ قوشنیسی و ناتونینگ اعضاسی ایکن لیگینی معلوم قیلگن مرکل ویزه سیز اوتیش موضوعی بوییچه دسامبر آییگچه ساغلم بیر شکلده ایشلش کیره ک دیب ایتدی.

مرکل تورکیه بیلن اروپا بیرلیگی اورته سیده گی کوچ کیلیشووی نینگ ینگی بیر مرحله گه کیلتیریلیشی، گمرک بیرلیگی کیلیشووی نینگ کینگه یتیریلیشی و اقتصادی همکارلیک موضوعلری بوییچه هم تورکیه بیلن اوچره شماقچی ایکن لیکلرینی تیلگه آلدی.