جمهوررئیس ایردوغان: آذربایجان نینگ یانیده میز

تورکیه جمهوریتی جمهوررئیسی رجب طیب ایردوغان, ارمنستان نینگ باسقینچی لیگی گه قرشی کوره شیاتگن آذربایجان لیک لرنی قوللب- قوتلیاتگن لیک لری نی بیلدیردی.

تورکیه پارلمانی, 2 آی لیک تعطیل آرتیدن بوگون دن باشلب قانون چیلیک فعالیت لری گه باشله دی. 

جمهوررئیس ایردوغان, 27- دور 4- قانون چیلیک ییلی نینگ آچیلیشی مناسبتی بیلن پارلمان ده معروضه قیلدی. 

معروضه سیده جمهوررئیس ایردوغان, "قبرس و آذربایجان تورک لری دن باشلب بالکان لر و شمالی افریقا گه قدر هر جای ده قرداش لری میز نی صمیمی بیر شکلده قوللب- قوتلب کیلگن پارلمانی میز, ملتی میز بیلن بیرگه برچه دوست لری میز نینگ هم امید منبعی بولگن لیگی نی کورسه تیب بیردی" دییه قید ایتدی. 

"تورکیه اوله راق, اوزی میز نی 'ایککی دولت, بیر ملت' صفتیده بهالنتیریاتگن آذربایجان لیک قرداش لری میز نی برچه امکانیت لری میز بیلن و یوره ک دن قوللب- قوتله ش گه دوام ایته میز" دییه قید ایتگن جمهوررئیس ایردوغان, اوز سوز لری نی, "بو منطقه ده قالووچی تینچ لیک نینگ اورنه تیلیشی نینگ بیر ته گینه یولی, ارمنستان نینگ اشغال ایتگن آذربایجان توپراق لری دن چیقیشی دن عبارت" شکلیده دوام ایتتیردی. 

"ارمنستان رهبریتی نی, هر نرسه نی بیر تامان گه قوییب اصرار بیلن تورکیه گه تهمت قیلیش تشبث لری هم قوتقرالمیدی" دیگن جمهوررئیس ایردوغان, "اوشبو قاراقچی دولت (ارمنستان) نی قوللب- قوتلیاتگن لرنی, بشریت نینگ اورتاق وجدانی ده جواب بیره دیگن لیک لری بوییچه آگاهلنتیره من" دییه قید ایتدی. 

معروضه سیده, تروریزم گه قرشی کوره ش گه هم اورین اجره تگن ایردوغان, عراق چیگره سیده گی تروریزم مرکزلری نینگ بوتونلی یوق قیلینگونگه قدر عملیات لرنینگ دوام ایته دیگن لیگی نی بیلدیردی. 

جمهوررئیس ایردوغان, تورکیه نینگ اورته ییر دینگیزی ده اوروش, بحران و ناتینچلیک هدفی گه ایگه ایمس لیگی نی معلوم قیلدی. 

ایردوغان, "حقی میز نی آلماقده میز. اورته ییر دینگیزیده سیاسی و اقتصادی امکانیت لرنینگ تقسیمی بیلن علاقه لی کیلیشمووچیلیک لرنینگ حقوققه گه اویغون بیر شکلده ییچیلیشی گه بیرینچی درجه ده اهمیت بیرماقده میز" دییه قید ایتدی. 

اوروپا بیرلیگی نینگ یونان و قبرس روم رهبریتی نینگ نازدانه لیک لری نینگ اسیری اوله راق, موثر بولمه گن و کیله جک نی اویله مه گن بیر ساختار گه ایگه بولیب قالگن لیگی نی معلوم قیلگن ایردوغان, اوز سوز لری نی, "منطقه میزده گی هیچ بیر مسئله اوروپا بیرلیگی تامانیدن ییچیلمه گن.  عکسینچه, اوشبو بیرلیک نینگ اره شلگن هر بحران, ینه ده چقورلشگن" شکلیده دوام ایتتیردی. 

"بیرینچی دنیا اوروشیده, بیزنینگ ییغلب توریب ترک ایتیش گه مجبور بولگن بو شهرده, حاضرگی کونده هم عثمانی مقاومتی نینگ ایزی نی کوریش ممکن. یعنی بیت المقدس بیزنینگ شهری میز دن عبارت, بیزنینگ شهری میز" دیگن ایردوغان, "هر جای ده مظلوم فلسطین خلقی نینگ حق لری نی مطرح قیلیش نی اولکه میز و ملتی میز نامیدن شرف دیب قبول قیلماقده میز" دییه قید ایتدی.