تورکیه نانسی پیلوسی نینگ سوز لری گه عکس العمل کورستدی
اوشبو خصوصده تورکیه جمهوریتی جمهوررئیسلیک سوزچیسی و ارتباط لر ریاستی نینگ باشلیغی بیانات بیردی
تورکیه جمهوریتی جمهوررئیسلیک سوزچیسی ابراهیم قلین, تورکیه بیلن علاقه لی سوز لری سببلی, امریکا قوشمه ایالت لری نماینده لر مجلسی نینگ باشلیغی نانسی پیلوسی گه عکس العمل کورستدی.
قلین, "(امریکا قوشمه ایالتلری نماینده لر مجلسی نینگ باشلیغی) پیلوسی, تورکیه گه قرشی خصومتی بولگن بیر سیاستچی دن عبارت. آلدین ارمنی قیرغینی بوییچه ادعا لر توغریسیده هم بونده ی بیر سیاست گه ایگه ایدی" دییه قید ایتدی.
تورکیه جمهوریتی جمهوررئیسلیک ارتباط لر ریاستی نینگ باشلیغی فخرالدین آلتون ایسه بیرگن بیاناتیده, "پیلوسی نینگ اوشبو بیانات لری, نوامبر آیی ده امریکا قوشمه ایالتلریده بولیب اوته دیگن دولت رهبرلیگی سیلاو لریده اقتدار نینگ تینچلیک سیور یول لر بیلن اوزگره دیگن لیگی یاکه اوزگرمیدیگن لیگی دایره سیده بیریلگن بیر بیانات دن عبارت. بیز نینگ جهتی میز دن سیلاو نتیجه لری و ملی اراده نینگ مقدس ایکن لیگی نی ینه بیر مرته ایسله ته میز" دییه قید ایتدی.
آلتون, اجتماعی ترماق آرقه لی بیرگن بیاناتیده, پیلوسی گه, "کودتا لر دن تشقری, تورکیه ده اینگ سونگ قچان قدرت تینچلیک سیور یوللر بیلن اوزگرمه دی؟" دییه سئوال بیردی.
آلتون, "دموکراسی میز گه قره تیلگن اوشبو هجوم لرنینگ کیم لر تامانیدن قوللب- قوتلنگن لیگی نی جوده یخشی بیله میز. امریکا قوشمه ایالت لری نماینده لر مجلسی باشلیغی پیلوسی نینگ جدی بولمه گن اوشبو سوز لریده, امریکالیک سیاستچی لرنینگ تورکیه بیلن علاقه لی ناتوغری فکر لری نینگ انعکاسی نی کورماقده میز" دییه قید ایتدی.
فخرالدین آلتون, ایچکی سیاست ده اعتبارنی آرتیریش اوچون تورکیه گه قرشی بونده ی گپ لر گپیریش نینگ امریکا نینگ منفعتی و متفق لیک روحی گه ضد ایکن لیگی نی معلوم قیلدی.
آلتون, "امریکا سیاستیده پیدا بولگن تورکیه نی ایچکی سیاست بوییچه بحث موضوعی قیلیش توغریسیده گی اوشبو خواطر گه بولیاتگن سعی و حرکت لر نی, حرمتلی جمهوررئیسی میز (رجب طیب ایردوغان) نینگ امریکا قوشمه ایالتلری دولت رهبری دونالد ترامپ بیلن یخشی مناسبت لری گه قره تیلگن بیر حمله اوله راق بهالنتیرماقده میز.
امریکالیک سیاستچی لر و اینیقسه اداره چی لر نی, تورکیه کبی مهم بیر ناتو متفقی گه حمله قیلیش نی بیر تامان گه قوییب, بیزیم بیلن معنی لی بیر شکلده مذاکره قیلیش گه چقیره میز. بو, امریکا قوشمه ایالتلری نینگ منفعت لری و همده ایککی تامانلمه مناسبت لر نینگ کیله جگی جهتی دن فایده لی بوله دی.
منطقه مقیاسیده گی و ستراتیژیک مسئله لرنینگ ییچیلیشی حقیقت لر دن اوزاق, قوریق گپ دن عبارت سوز لر بیلن ایمس, جدی مذاکره بیلن ممکن. پیلوسی و باشقه امریکالیک سیاستچی لرنی, اولکه لری میز نینگ مناسبت لری اوچون اوشبو سیاست لری دن وازکیچیش گه چقیره میز" دییه قید ایتدی.
