تورکیه: اوروپا بیرلیگی نینگ صمیمی بولیشی کیره ک

تورکیه جمهوریتی جمهوررئیسلیک سوزچیسی ابراهیم قلین, شرقی اورته دینگیزی مسئله سی بوییچه اوروپا بیرلیگی نینگ صمیمی بیر واسطه چی بولیشی کیره ک ایکن لیگی نی بیلدیررایکن, "اوروپا بیرلیگی نینگ منفعتی نینگ بیرته گینه اعضاسی نینگ منفعتی بیلن چیکله نیب قالمس لیگی کیره ک" دییه قید ایتدی. 

قلین, "تورکیه نینگ شرقی اورته ییر دینگیزی ده گی رولی" عنوانی بیلن بولیب اوتگن بیر مراسمده صحبت قیلدی.

تورکیه نینگ شرقی اورته ییر دینگیزی ده اینگ اوزون قیرغاققه ایگه بیر اولکه دن عبارت ایکن لیگی نی بیلدیرگن قلین, اوز سوزلری نی, "ناتو اعضاسی بیر اولکه صفتیده, فقط گینه یونان, قبرس یاکه لبنان بیلن مناسبت لر جهتی دن ایمس, اورته ییر دینگیزی ده بولیاتگن هر نرسه بیزنی قیزیقتیرماقده" دییه قید ایتدی. 

سونگگی آی لرده یوز بیرگن ینگی لیک لرنینگ ینه ده یخشیراق درک ایتیله آلیشی اوچون یونان بیلن بولگن استکشافی مذاکره لر گه دقت قره تگن قلین, "مذاکره لر, 2002- ییلده باشله دی و 2016- ییل گه قدر تقریباً 60 مرته اوچره شوو بولیب اوتدی. اوشبو اوچره شوو لر بوییچه مقصد تورکیه بیلن یونان اورته سیده گی فقط گینه دینگیز چیگره لری نینگ انیقله نیشی ایمس, ارال لر و هوا ساحه سی کبی موضوع لر توغریسیده گی معما لر نی هم انیقلش دن عبارت ایدی" دییه قید ایتدی.

اوچره شوو لرنینگ یونان ده گی ایچکی سیاسی معما لر سببلی اوشه دور نینگ آتن رهبریتی تامانیدن توخته تیلگن لیگی نی بیلدیرگن قلین, جمهوررئیس رجب طیب اردوغان نینگ نیویورک و لندن ده یونان باش وزیری کریاکوس میچوتاکیس بیلن بولیب اوتگن اوچره شوولریده اوشبو مذاکره لرنینگ دوام ایتتیریلیشی گه قرار قلینگن لیگی نی معلوم قیلرایکن, بیراق مذاکره لرنینگ دوام ایتمس لیگی آرتیدن آلمان نینگ واسطه چیلیک قیلگن لیگی نی ایسله تیب اوتدی. 

آلمان واسطه چیلیگی ده گی مذاکره لر ده کوپینچه دینگیز چیگره لری نینگ انیقلشتیریلیشی و هایدروکاربن انرژی فعالیت لری توغریسیده بحث ایتیلگن لیگی نی بیلدیرگن قلین, "ایریم پیتلرده تورکیه نینگ بیر تامانلمه اوله راق عصبی حرکت قیلگن لیگی بوییچه بعضی گپ لر ایشیته من.  بیراق, عادل بولیش کیره ک بولسه, شرقی اورته ییر دینگیزی یاکه قبرس ارالی تیگره گی ده بیرینچی مرته گاز قیدیریش اجازتی بیرگن اولکه تورکیه دن عبارت ایمس.  آلدین قبرس روم رهبریتی اجازت بیردی" دییه قید ایتدی. 

عینی دمده, قبرس روم رهبریتی نینگ قبرس لیک تورک لرنینگ حق لری نی پایمال ایته دیگن شکلده لبنان, اسرائیل و مصر بیلن کیلیشوو امضاله گن لیگی نی بیلدیرگن قلین, کیین ایسه یونان نینگ 2010- ییلدن باشلب انرژی شرکت لری گه اجازت بیره باشله گن لیگی و اوشبو اجازت بیریش پروسه سی ده تورکیه نینگ حق لری نینگ اخلال ایتیلگن لیگی نی معلوم قیلدی. 

قلین, جمهوررئیس اردوغان نینگ اوشبو خصوصده اوروپا بیرلیگی حاضرگی دور باشلیغی آلمان نینگ باش وزیری آنگلا مرکل و باشقه اعضا اولکه لرنینگ رهبر لری بیلن کوپلب اوچره شوولر اوتکزگن لیگی نی بیلدیردی. 

اوروپا بیرلیگی نینگ صمیمی بیر شکلده واسطه چیلیک ایتیشی اوچون اوشبو اوچره شوو لرنینگ بولیب اوتگن لیگی نی معلوم قیلگن قلین, تورکیه بیلن یونان اورته سیده گی معما لرنینگ تینگ, عادلانه و تینیق بیر شکلده ییچیلیشی نینگ مهم ایکن لیگی نی ایسله تیب اوتدی.

اوروپا بیرلیگی نینگ منفعتی نینگ بیرته گینه اعضانینگ منفعتی گه باغلیق بولیب قالمس لیگی کیره ک ایکن لیگی نی بیلدیرگن قلین, "ایریم اوروپا بیرلیگی اعضاسی اولکه لر نینگ تورکیه بیلن بعضی معما لری بولگن لیگی انیق.  اوشبو دایره ده سونگگی بیر نیچه ییلده سوریه و لیبیا بیلن علاقه لی سیاست لری چوکاتیده فرانسه دن بحث ایتیشی میز ممکن. فکریمیزچه, بونده ی اولکه لر, تورکیه بیلن بیر مخالفتی بار. بیراق شرقی اورته ییر دینگیزی ده گی بحران دن تورکیه گه مخالفت نی تحریک ایتیش اوچون فایده لنماقده.  بونده ی بیر سیاست, معما لرنینگ ییچیلیشی, اوروپا بیرلیگی نینگ صمیمی واسطه چیلیگی و تورکیه بیلن اوروپا بیرلیگی اورته سیده گی مناسبت لر گه مثبت حصه قوشمَیدی" دییه قید ایتدی.

قلین اوز سوز لری نی, "جمهوررئیسی میز ینه بیر بار دیپلماسی گه چانس بیردی.  عروج رئیس (سیسمیک تحقیقات کیمه سی), انتالیا بندری گه قیتیب کیلدی. یونان نینگ مذاکره لرنی آلغه آلیب باریش و استکشافی مذاکره لر نی دوام ایتتیریش بوییچه اوشبو فرصت دن فایده له نیشی نی آرزو ایتیب قاله من" شکلیده دوام ایتتیردی.