فواد اوکتای تورکیه قیزیل یریم آی جمعیتی پرسونلی گه قره تیلگن هجوم نی قاره له دی

تورکیه جمهوریتی جمهوررئیس اورینباسری فواد اوکتای, تویتر آرقه لی بیرگن بیاناتیده, تورکیه قیزیل یریم آی جمعیتی پرسونلی گه قره تیلگن قوراللی هجوم نی قاره لب چیقدی.

اوکتای بیرگن بیاناتیده, "سوریه ده محتاج کیشی لر گه یاردم ییتکزیب بیریاتگن تورکیه قیزیل یریم آی جمعیتی پرسونلی موتری گه قره ته اویوشتیریلگن خائنانه هجوم نی قاره لیمن.  انسانلیک دن نصیبی نی آلمه گن کیشی لرنینگ هجومی عاقبتیده شهید بولگن یاردم تیمی پرسونلی میز گه الله تعالی دن رحمت تیلرایکن, عایله سی گه تسلیت بیلدیریب, یره لنگن کیشی لر گه عاجل شفالر تیلب قاله من" دییه قید ایتدی. 

عدالت و توسعه حزبی نینگ سوزچیسی عمر چلیک هم, تویتر آرقه لی بیرگن بیاناتیده, دنیا ده گی برچه محتاج لر و مظلوم لرنینگ قرداشی بولگن تورکیه قیزیل یریم آی جمعیتی گه قره ته اویوشتیریلگن خائنانه هجوم نی قاره له گن لیگی نی بیلدیردی.

چلیک, "موتر لریده قیزیل یریم آی جمعیتی نشانی بولگن تیمی میز گه قره تیلگن اوشبو هجوم, عینی دمده خلق ارا حقوققه قره ته اویوشتیریلگن بیر هجوم دن عبارت. اوشبو خائنانه هجوم نی قتتیق قاره لیمن" دییه قید ایتدی.

سوریه نینگ شمالی ده تورکیه قیزیل یریم آی جمعیتی پرسونلی گه قره ته ترورچی لر تامانیدن اویوشتیریلگن قوراللی هجوم عاقبتیده اوشبو یاردم موسسه سی نینگ بیر نفر پرسونلی شهید بولگن ایدی.