تورکیه مالی ده گی وضعیت بوییچه خواطر بیلدیردی
اوشبو خصوصده تورکیه جمهوریتی تشقی ایش لر وزیرلیگی تامانیدن بیانات بیریلدی
تورکیه, مالی ده توناون اردو ایچی ده گی بیر گروپ حربی لر تامانیدن قیلینگن کودتا نتیجه سیده, جمهوررئیس ابراهیم ابوبکر کیتا نینگ, پارلمان و حکومت نی لغو ایتیش گه مجبور قیلینگن لیگی نینگ, "چقور قیغو گه" سبب بولیاتگن لیگی نی بیلدیردی.
تورکیه جمهوریتی تشقی ایش لر وزیرلیگی تامانیدن بیریلگن بیاناتده, تورکیه نینگ دوست و قرداش مالی ده تینچ لیک و برقرارلیک نینگ قیته باشدن تامین ایتیلیشی, جمهوررئیس کیتا و باشقه یوقاری مرتبه لی مسئول لرنینگ زود لیک بیلن قویب یوباریلیشی و اولکه ده اساسی قانون گه موافق نظم نینگ اورنه تیلیشی نی کوتیاتگن لیگی بیلدیریلدی.
بیاناتده, تورکیه نینگ, بیرلشگن ملت لر تشکیلاتی, افریقا بیرلیگی و غربی افریقا اولکه لری اقتصادی جمعیتی نینگ اوشبو توغریده گی سعی و حرکت لری نی قوللب- قوتلیاتگن لیگی معلوم قیلیندی.
بیاناتده, تورکیه نینگ, بونده ی یمان شرایطده دوست و قرداش مالی نینگ یانیده بوله دیگن لیگی بیلدیریلدی.
توناوون ایرته لب پایتخت باماکو یقینی ده جایلشگن کاتی ده گی حربی مرکز دن بیر گروپ حربی لر چیقیب پایتخت گه کیلدی.
اردو نینگ ایککی قسم گه اجره لگن لیگی, بیر قسمی نینگ عصیانچی ایکن لیگی و قالگن بولیمی نینگ ایسه کیتا نینگ امریده ایکن لیگی معلوم قیلینگن ایدی.
پارلمان باشلیغی, اقتصاد و تشقی ایش لر وزیرلری کودتاچی حربی لر تامانیدن آلیب قاچیریلگن ایدی.
توشدن کیین ایسه کودتاچی لر تامانیدن آلیب قاچیریلگن جمهوررئیس کیتا, دولت تلویزیونی آرقه لی بیرگن بیاناتیده, استعفا ایتگن لیگی و پارلمان بیلن حکومت نی لغو قیلگن لیگی نی بیلدیرگن ایدی.
اوپوزسیون, می آیی دن بیری کیتا نینگ استعفا سی نی طلب ایتیب ناراضی چیلیک نمایش لری اوتکزماقده ایدی.
