تورکیه دن لبنان گه یاردم ییتکیزیب بیریلدی

تورکیه دن لبنانگه طبی یاردم موادلری و پرسونل تورکیه قوراللی کوچلری گه باغلیق اوچاق آرقه لی پایتخت بیروت گه ییتکیزیب بیریلدی.

تورکیه جمهوریتی جمهور باشلیغی رجب طیب ایردوغان نینگ بویروغی بیلن تورکیه بیروتده یوز بیرگن پارتلش نینگ آرتیدن طبی مواد و بشری یاردم بیلن قیدیروو و قوتقروو پرسونلی جونه تدی.

ساغلیق نی سقلش وزیرلیگی آفت و عاجل وضعیتلر اداره سی (AFAD) و قیزیل آی تامانیدن تیارلنگن موادلر پایتخت انقره ده جایلشگن ایتی مسقود حربی قونلغه ده A 400M عسکری کارگو اوچاققه یوکلندی.

منطقه گه ساغلیقنی سقلش وزیرلیگی تامانیدن 21 ملی میدیکال قیدیروو گروهی پرسونلی، 2 ته عاجل مداخله سیتی، 3 پرسونل باش پناه چادری، داری و طبی موادلر، آفاد تامانیدن ایسه 10 نفر پرسونل بیلن اسبابلری، بیرته قوتقروو واسطه سی و تورک قیزیل آی چوگاتیده گی 3 ته پرسونل، قیدیروو قوتقروو گروهی، ساغلیق و انسانی یاردم موادلری جونه تیلدی.

بیروت بندریده آلدینگی کونی منفجره موادلر بولگن 12 نمبر دیپوده اولاً یانغین یوز بیریب ارتیدن پایتخت نینگ برچه منطقه لریگه تاثیر قالدیرگن پارتلش یوز بیرگندی.

پارتلش نینگ ارتیدن کوپلب کیشی حیاتینی یوقاتیب یره لنگندی.