تورکیه جمهور باشلیغی اورینباسری فواد اوکتای آذربایجانده گی حربی سینش بیلن تیگیشلی پیام ترقه تدی
تورکیه بیلن آذربایجان مشترک حربی سینش اوتکزماقده
1464659
جمهور باشلیغی اورینباسری فواد اوکتای، مشترک حربی سینش بیلن تیگشلی اجتماعی میدیا ترماغیدن بیر پیام ترقه تدی.
اوکتای اوز پیامیده؛
"قرینداش آذربایجان بیلن هردایم هر شرطده بیرگه لیکده حرکت ایتیش گه دوام ایته میز. برچه امکانیتیمیز بیلن قرینداشلریمیزنینگ یانیده بولیب توره میز" دیب افاده ایتدی.
باشقه تاماندن تورکیه بیلن آذربایجان هوا و ییر کوچلری، آذربایجانده کینگ – کولملی مشترک حربی سینش گه باشله دی.
هوا کوچلری بیلن باشلنگن حربی سینش گه ایککی اولکه دن حربی اوچاق و هلیکوپترلر اورین آلماقده.
باکو، نخجیوان، گنجه، کُردیمیر و یوله ده دوام ایته دیگن حربی سینش 10 اگستده اداغگه ییتیب باره دی.
ییر کوچلری نینگ سینشی ایسه باکو و نخجیوانده 1-5 اگستده اوتکزیله دی.
حربی سینشده زره واسطه، توپ و هاوان فیرلری آرقه لی تمثیلی دشمن موضعلری آماج قرار بیریله دی.
