تورکیه – ونزوئلا تشقی ایشلر وزیرلری نینگ اوچره شووی بولیب اوتدی

تورکیه تشقی ایشلر وزیری مولود چاووش اوغلی ونزوئلا تشقی ایشلر وزیری یورگی اریزا بیلن اوچره شدی.

ونزوئلا تشقی ایشلر وزیری یورگی اریزا تویتر آرقه لی بیرگن معلوماتده تورکیه تشقی ایشلر وزیری مولود چاووش اوغلی بیلن اوچره شگن لیگینی بیلدیردی.

چاووش اوغلی بیلن ویدیو کنفرانس آرقه لی اوچره شگن لیگینی معلوم قیلگن اریزا،

"کینگ – کولملی پولیتیک همکارلیگیمیزنی تایید ایتدیک. بیرگه لیکده آلیب بارگن پروژه لرنی و ینگی همکارلیک ساحه لرینی تیکشیریب چیقدیک. ینگی تور کروناویروس (کوید-19) گه قرشی کوره ش اوچون تیست کیتلری بیلن بیر قطارده ایریم طبی اسباب یاردملری اوچون منتدارچیلیک بیلدیره میز" دیب ایتدی.

تورکیه تامانیدن کروناویروی (کوید-19) گه قرشی کوره ش دایره سیده ونزوئلاگه بیریلگن 15 تُن دن آرتیق طبی یاردم، 18 جولایده بو اولکه نینگ پایتختی کاراکاس گه ییتیب بارگندی.