جهان مطبوعاتی ایاصوفیه نینگ مسجد گه ایلنتیریلگن لیگی گه کینگ اورین اجره تدی
تورکیه ده ایاصوفیه مسجد گه ایلنتیریلیب دینی ایش لر اداره سی گه تاپشیریلدی
![جهان مطبوعاتی ایاصوفیه نینگ مسجد گه ایلنتیریلگن لیگی گه کینگ اورین اجره تدی](http://cdn.trt.net.tr/images/xlarge/rectangle/e8df/0558/03b3/5b0bdb3c38714.jpg?time=1718612508)
تورکیه ده عالی محکمه, ایاصوفیه نینگ مسجد دن موزیم گه ایلنتیریلیشی بوییچه میلادی 1934 – ییل 24 نوامبر تاریخیده گی وزیرلر کینگشی قراری نی بیکار قیلدی. جهان مطبوعاتی اوشبو موضوع گه کینگ اورین اجره تدی.
بی بی سی, اوشبو خبر نی, "تورک محکمه سی, 6- عصرده قوریلگن استانبول نینگ موزیمی نینگ مسجد گه ایلنتیریلیشی گه قرار قیلدی" عنوانی بیلن بیردی.
فرانسه 24, ایاصوفیه نینگ مسجد گه ایلنتیریلیشی اوچون شرایط یره تیلگن لیگی نی بیلدیردی.
الجزیره ایسه, ایاصوفیه نینگ قیته باشدن مسجد گه ایلنتیریلیشی اوچون شرایط یره تیلگن لیگی نی معلوم قیلدی.
ان بی سی نیوز استانبولده گی مشهور ایاصوفیه نینگ مسجد گه ایلنتیریلیاتگن لیگی نی بیلدیردی.
نیویورک تایمز روزنامه سی, ایاصوفیه نینگ مسجد گه ایلنتیریلیشی بوییچه جمهوررئیس اردوغان نینگ آلدین بیرگن بیاناتلری گه اورین اجره تدی.
یونان نینگ سکای تلویزیونی ایسه, "تورکیه عالی محکمه سی, خلق ارا عکس العمل لر گه قره مسدن ایاصوفیه نینگ مسجد گه ایلنتیریلیشی اوچون شرایط یره تیب بیردی" دییه قید ایتدی.
یونان نینگ باشقه بیر نشراتی اورگانی دن عبارت نافتمپوریکی, قرار آرتیدن تورکیه جمهوریتی جمهوررئیسی رجب طیب اردوغان نینگ تورک ملتی گه قره ته معروضه قیله دیگن لیگی نی معلوم قیلدی.