تورکیه عراق نینگ شمالیده ترور تشکیلاتی گه قتتیق ضربه اوردی

عراق نینگ شمالی ده گی ترور تشکیلاتی هدف لری گه قره ته اویوشتیریلگن پنجه- بورگیت عملیاتی نتیجه سیده 81 هدف یوق قیلیندی. 

تورکیه جمهوریتی ملی مدافعه وزیرلیگی تامانیدن تویتر آرقه لی بیریلگن بیاناتده عراق نینگ شمالیده جایلشگن و ترور تشکیلاتی طرفیدن مرکز اوله راق استفاده ایتیلیاتگن سنجار, قاراجاق, قندیل, زاب, آواشین- باسیان و خاکورک ده گی اویه لری گه قره ته اویوشتیریلگن پنجه- بورگیت عملیاتی بیلن علاقه لی معلومات بیریلدی. 

بیاناتده, "پنجه- بورگیت عملیاتی نتیجه سیده, اولکه میز, ملتی میز و چیگره لری میز نی تهدید ایتیاتگن ترور تشکیلاتی نینگ 81 هدفی یوق قیلیندی.  اوچاق لری میز هیچ قنده ی بیر معما گه دوچ کیلمسدن اوز مرکز لری گه قیتیب کیلیب قوندی" دییه قید ایتیلدی. 

بیاناتده, اوشبو عملیات ده تورکیه نینگ اوزیده ایشلب چیقریلگن حربی امکانیت لر دن فایده له نیش گه حرکت قیلینگن لیگی بیلدیریلدی. 

شونده ی قیلیب ترور تشکیلاتی گه قتتیق ضربه اوریلگن لیگی معلوم قیلیندی. 

بیاناتده, عملیات ده عادی اهالی گه ضرر ییتکزیلمس لیککه جوده هم کتته اهمیت بیریلگن لیگی معلوم قیلیندی. 

عینی دمده بیاناتده, سونگگی تروریست هم یوق قیلینگونگه قدر اوشبو عملیات لرنینگ دوام ایته دیگن لیگی بیلدیریلدی. 

باشقه بیر تاماندن ایسه, تورکیه جمهوریتی ملی مدافعه وزیری خلوصی آقر, اوشبو عملیات گه اشتراک ایتگن پیلوت لر بیلن مخابره آرقه لی اوچره شیب قولگه کیریتگن موفقیت لری سببلی اولرگه اوز تبریک لری نی بیلدیردی. 

آقر, بیرگن بیاناتیده, "ترورچی لرنینگ اویه لری ییر بیلن یکسان قیلیندی.  اولکه میز, ملتی میز و حربی مرکز لری میز گه قرشی هجوم اویوشتیریش نی ریجه له گن ترورچی لرنینگ اویه لری اوز باش لری گه قولب کیتدی" دییه قید ایتدی.