کابل- استانبول اوچیش لری باشله دی
کرونا ویروس تدبیر لری دایره سیده اوشبو اوچیش لر توخته تیلگن ایدی
"آریانا افغان هوایی" شرکتی نینگ تورکیه ده گی نماینده سی و "آریا توریزم" شرکتی نینگ باشلیغی سهیلا شالیزی انادولو آژانسی بیلن قیلگن مصاحبه سیده اوچیش لرنینگ عملگه آشیریلیشی اوچون کیره کلی اجازت نی آلگن لیک لری نی بیلدیردی.
شالیزی, شونده ی قیلیب کابل دن استانبول گه و استانبول دن کابل گه اوچیش لرنینگ باشله یدیگن لیگی نی معلوم قیلدی.
شالیزی, طیاره لرنینگ هر هفته جمعه کونی کابل دن استانبول گه و چهارشنبه کونی ایسه انقره دن کابل گه اوچه دیگن لیگی نی بیلدیردی.
سهیلا شالیزی, اوچیش لرنینگ ساغلیق تدبیر لری نینگ آلینگن حالده عملگه آشیریله دیگن لیگی نی ایسله تیب اوتدی.
شالیزی, راحت بیر شکلده افغانستان گه باریب کیلیش لری اوچون اوقووچی لر گه تخفیف بیریاتگن لیک لری نی معلوم قیلدی.
عینی دمده شالیزی آریانا افغان هوایی شرکتی نینگ طیاره ده بیر نیچه نفر ساغلیق پرسونلی استخدام قیله دیگن لیک لری نی بیلدیردی.
