تورکیه ملی خوفسیزلیک کینگشی نینگ جلسه سی بولیب اوتدی

ملی خوفسیزلیک کینگشی تورکیه تامانیدن تروریزم گه قرشی آلیب باریلگن کوره ش نینگ اوزلیکسیز دوام ایتیب باره جگینی بیلدیردی.

ملی خوفسیزلیک کینگشی نینگ توناون جمهور باشلیغی رجب طیب ایردوغان نینگ باشچیلیگیده بولیب اوتگن جلسه سی نینگ آرتیدن اعلامیه ترقه تیلدی.

"اولکه میزنینگ ییرده، هوا ده، دینگیزده حق و منفعتلری نینگ قوریقلش گه دوام ایتیله جگی بیلدیریلگن دیر" دیب دایتیلگن.

ملی بیرلیک و بردملیک بیلن بقانی تهدید ایتووچی PKK/KCK-PYD/YPG، داعش و فتو قاله ویرسه برچه ترور تشکیلاتلری گه قرشی یورت ایچی و تشقریده کوره ش نینگ دوام ایتیب باره جگی اورغولندی. سوریه نینگ توپراق بوتونلیگینی قوریقلش و منطقه نینگ ترور تشکیلاتلریدن تمیزلب سوریه لیکلرنینگ اوز اولکه لریگه اوز خوشلریگه و خوفسیز بیر شکلده قیتیب باریشلری اوچون آلیب باریلگن کینگ – کولملی فعالیت نینگ هم دوام ایته جگی تاکییدلندی.

تورکیه نینگ آق دینگیزده گی مشروع حقلری اوچون هم شولر ایتیلدی.

"تورکیه گه قرشی مشترک منفعتلری اوچون ییغیلگن بعضی بیر اکتورلرنینگ اولکه میزنینگ آق دینگیزده گی مشروع و حقوقی آدیملریگه قرشی منفی یانداشوولری بهالندیریلدی. اولکه میزنینگ ییرده، هوا ده، دینگیزده حق و منفعتلری نینگ قوریقلش گه دوام ایتیله جگی بیلدیریلدی. بیرلشگن ملتلر تشکیلاتی تامانیدن تن آلینگن مشروع حکومت نینگ لیبیانینگ سیاسی بیرلیگینی و توپراق بوتونلیگینی قوریقلب اولکه مقیاسیده تینچلیک و بردملیک تامین ایتیلیشی بوییچه تورکیه تامانیدن بیریلگن عسکری تعلیم و مصلحت خدماتلری دوام ایته جگی اورغولندی. خلق ارا همجمعیت لیبیا خلقی نینگ اراده سینی غصب قیلگن و مشروع لیبیا حکومتینی آماج قرار بیرگن قرانغو گروهلرگه قرشی قاطعانه بیر مقاومت کورستیش گه دعوت ایتیلگن دیر" دیب ایتیلگن.

اعلامیه ده عین دمده گلوبال مقیاسده تاثیر قالدیرگن کروناویروس (کوید-19) کسل لیگی گه قرشی کوره ش توغریسیده تورکیه نینگ ساغلیقنی سقلش، غذا، تکنالوژی، اقتصاد، عاموی تیزیم و خوفسیزلیگی کبی ساحه لرده گی موفقیتلری گه دقت قره تیلگن لیگی بیلدیریلدی.