تورکیه ده کروناویروس واقعه سی کمه ییب بارماقده

تورکیه ده ینگی تور کروناویروس (کوید-19) کسل لیگی باعث تلفات سانی کمه ییب بارماقده.

سونگی 24 ساعت دوامیده کرونا ویروس سببلی حیاتی نی یوقاتگن کیشی لر سانی نینگ 89 ایکن لیگینی توپلم حیاتینی یوقاتگنلر سانی نینگ 3 مینگ 81 نفر گه ییتگن لیگی بیلدیریلدی.

 شونده ی بولیب 43 مینگ 498 کیشی نینگ تست ایتیلگن لیگی, اوشبو کیشی لر دن 2 مینگ 936 نفری نینگ تستی نینگ مثبت چیققن لیگی معلوم قیلیندی. 

عینی دمده 5 مینگ  231 نفر ساغه یگن لیگی شو بیلن شفاخانه دن چیققن کیشی سانی نینگ 44 مینگ 22 گه ییتگن لیگی قید ایتیلدی. 

باشقه تاماندن تورکیه ساغلیقنی سقلش وزیری فخرالدین کوجه بیلیم کینگشی بیلن قیلگن جلسه سی نینگ آرتیدن بیانات بیردی.

کوید-19 باعث تلفات سانی نینگ کمه ییب بارگن لیگینی اورغوله گن فخرالدین کوجه، تورکیه نینگ بو سیناودن یوزی آق بولیب یوتوق قازانیب چیققن لیگینی ایتدی.

کوجه جنابلری "بیز بو نقطه گه تدبیرلرگه بویین ایگگنیمیز و دقتلی بولیشیمیز بیلن کیلدیک" دیب ایتدی.

فخرالدین کوجه واقعه نینگ تیپه نقطه گه بارگن لیگینی ایندی کمه ییب بارگن لیگینی کورماقده میز. بیراق بونینگ شو شکلده دوام ایتیشی کیره ک، دیب آگاهلنتیردی.

کوجه، شو جریانده 7 مینگ 428 ته ساغلیک پرسونلی نینگ کسللیک که یولیققن لیگینی بونینگ بوتون واقعه نینگ 6،5 فایزینی تشکیل بیرگن لیگینی معلوم قیلدی.