اردوغان: تورک ملتی نینگ هدفی هردایم مستقل لیک و تینچ لیک بولیب کیلگن

تورکیه جمهوریتی جمهوررئیسی رجب طیب اردوغان, تورک ملتی نینگ تاریخ دوامیده مقصدی نینگ, هردایم مستقل لیک نی اسره ب قالیش و تینچ لیک نی تامین ایتیش دن عبارت بولیب کیلگن لیگی نی معلوم قیلدی. 

جمهوررئیس اردوغان, چنق قلعه اوروشی نینگ 105- ییل لیگی مناسبتی بیلن پیام ترقتدی. 

اردوغان اوشبو پیامیده, چنق قلعه اوروشی نینگ 105- ییل لیگیده, یورت و بیرق نینگ مدافعه ایتیلیشی اوچون فداکارلیک قیلگن ملت گه و قهرمان لیک کورستگن عسکر لر گه منتدارچیلیک بیلدیردی.  شهید لر و وفات ایتگن غازی لرنی ایسه رحمت بیلن یاد ایتدی. 

اردوغان, "ملتی میز جهتی دن 'چنق قلعه روحی' اینگ یمان شرایطده هم بیر یقه دن باش چیقریب اشغالچی لر گه قرشی مقاومت قیلیش, مستقل لیک اوچون کوره شیش, موفقیت گه ایشانیش و متحد بیر شکلده هدف تامان آلغه کیتیش دن عبارت" دییه قید ایتدی. 

جمهوررئیس اردوغان, هردایم ایرکین یشب کیلگن تورک ملتی نینگ, هیچ بیر اوروش, هجوم و قمراو گه اجازت بیرمه گن لیگی نی معلوم قیلدی. 

اردوغان پیامیده, "تاریخی میز دوامیده هدفی میز, هر دایم مستقل لیک نی اسره ب قالیش و تینچ لیک نی تامین ایتیش دن عبارت بولگن.  برچه قیین چیلیک لر گه قره مسدن, اوروش, تروریزم و خشونت نینگ اورنیگه تینچ لیک, راحت لیک و انسانی ارزش لر نی تامین ایتگونگه قدر اوز کوره شی میز نی دوام ایتتیریش بوییچه قرارلی میز.  چنق قلعه اوروشی نینگ 105- ییل لیگی مناسبتی بیلن ینه بیر مرته جهان نی تینچلیککه گه چقیره میز.  بیز لر, ینگی اوروش لرنینگ باشله مسلیگی و تینچلیک نینگ اورنه تیلیشی اوچون سعی و حرکت قیلرایکن, کیله جک نسل لردن هم هر شرایطده چنق قلعه نینگ بیرگن پیام لری گه ایگه بولیش لری نی کوتماقده میز" دییه قید ایتدی.