تورکیه اوچینچی مرته انگلستان گه طبی یاردم یوباردی

ینگی تور کرونا ویروس (کووید 19) گه قرشی کوره ش دایره سیده, استانبول ده تورکیه نینگ طبی یاردم لری یوکلنگن انگلیس قراللیک هوا کوچ لری گه عاید کارگو اوچاغی انگلستان گه باریب قوندی. 

توناوون تورکیه نینگ استانبول شهری گه کیلگن اوشبو طیاره, طبی یاردم لرنینگ یوکله نیشی آرتیدن انگلستان گه اوچگن ایدی. 

آلدین هم, کرونا ویروس دن اینگ کوپ تاثیرلنگن اوروپا اولکه لری دن بیری بولگن انگلستان گه تورک هوا کوچ لری گه عاید عسکری کارگو طیاره سی بیلن ایککی مرته تورکیه نینگ طبی یاردمی آلیب باریلگن ایدی. 

انگلستان نینگ مسکن وزیری رابرت جینریک, اولکه سی نینگ طبی تجهیزات بوییچه معما لری حقیده بیرگن بیاناتیده, "تورکیه دن 84 تُن گه یقین طبی یاردم نینگ کیلیشی نی کوتماقده میز.  اوشبو یاردم لر آره سیده 400 مینگ چپن هم موجود" دییه قید ایتگن ایدی.