اردوغان: تورکیه دنیا گه اوز کوچی نی کورسه تیب بیردی

تورکیه جمهوریتی جمهوررئیسی رجب طیب اردوغان, خلق ارا موسسه لرنینگ معنی سی نی قولدن بیریب قویگن خوددی شوو دورده تورکیه نینگ باشقه لرنینگ همکارلیگی گه احتیاج حس ایتمسدن اوز کوچی نی کورسه تیب بیرگن لیگی نی معلوم قیلدی.

اردوغان, استانبول بشاق شهر کسلخانه سی نینگ آچیلیشی و تورکیه ده ایشلب چیقریلگن مصنوعی تنفس جهازی نینگ تسلیم بیریلیشی بوییچه ترتیب لنگن مراسم ده معروضه قیلدی.

جمهوررئیس اردوغان اوشبو معروضه سیده, "دولت و خصوصی سکتور اورته سیده گی همکارلیک پروژه سی دایره سیده 10 شهر کسلخانه سی دن فایده له نیله باشلنگن لیگی نی بیلدیردی. 

اردوغان, سوزلری نینگ دوامیده, "حاضرگی کونده 5400 مجهز واسطه و 19 طیاره بیلن اینگ مدرن امبولانس امکانیتی گه ایگه میز.  تورکیه ساغلیق ساحه سی بوییچه قهرمان بولگن وضعیتده.  کرونا ویروس معما سی نینگ اداققه یتیشیشی آرتیدن اولکه میز نی آرزو قیلینگن موقف گه ایگه قیلیش اوچون همه میز بیر یقه دن باش چیقاریب سعی و حرکت قیله میز.  دنیا ده مصنوعی تنفس جهاز لری جهتی دن قیین چیلیک لر موجود. لیکن بیز اوشبو معما نی موفقیت بیلن ییچدیک" دییه قید ایتدی. 

اردوغان, اوز سوز لری نی, "ینگی دورده, ینگی سرمایه گذارلیک لر و ینگی اثر لر و خدمت لر بیلن اولکه میز نینگ موقفی نی ینه ده یوقاری راق سویه گه کوتره میز" شکلیده دوام ایتتیردی.