ناتو اعضاسی اولکه لر نینگ مدافعه وزیرلری کرونا ویروس توغریسیده ییغیلیش اوتکزه دی

ناتو اعضاسی 30 اولکه نینگ مدافعه وزیرلری, ایرته گه ویدیوکنفرانس آرقه لی کرونا ویروس گه قرشی کوره ش توغریسیده بیر ییغیلیش اوتکزه دی.

بروکسل ده مطبوعاتی کنفرانس ترتیب له گن ناتو عمومی سکرتری ینس استولتنبرگ, اوشبو ییغیلیش نینگ اساسی کون ترتیبی نینگ کووید 19 گه قرشی کوره ش دن عبارت ایکن لیگی نی بیلدیردی.

استولتنبرگ, مدافعه وزیرلری نینگ کووید 19 گه قرشی کوره ش دایره سیده آلینگن تدبیر لر باره سیده بحث ایته دیگن لیک لری نی معلوم قیلدی. 

"ساغلیق بحرانی نینگ بیر خوفسیزلیک بحرانی گه ایله نیشی گه اجازت بیرمس لیگی میز کیره ک" دییه قید ایتگن استولتنبرگ, مدافعه وزیر لری نینگ ناتو نینگ مدافعه قابلیت لری باره سیده هم بحث ایته دیگن لیک لری نی ایسله تیب اوتدی.   

خوددی شوو ییغیلیش گه تورکیه تامانیدن تورکیه جمهوریتی ملی مدافعه وزیری خلوصی آقر اشتراک ایته دی.