تورکیه مطبوعاتیدن خلاصه لر 26.03.2020

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, کرونا ویروس گه قرشی تدبیر لر دایره سیده معروضه قیلگن لیگی نی بیلدیرماقده. 

خبرده, اردوغان نینگ, "انسان لردن خوددی شوو حساس کون لرده کسللیک نینگ کینگ ترقه لیب کیتیش پروسه سی نی توخته تیش اوچون عمومی هشدار لر گه عمل قیلیش لری نی التماس ایتیب قاله میز.  شونده ی قیلیب اینگ قیسقه مدت ده حیاتی میز نینگ عادی وضعیت گه کیلیشی ممکن.  همه نینگ جانی بیز نینگ جهتی میز دن اوزی گه خاص بیر اهمیت گه ایگه.  بونینگ اوچون اوی ده قالیش لرینگیز نی طلب ایتماقده میز. حاضرگی کونده دنیا نینگ 69 اولکه سی تورکیه دن یاردم طلب ایتگن وضعیتده.  17 اولکه گه موجود امکان لر گه کوره یاردم یوباریلدی" دییه قید ایتگن لیگی معلوم قیلینماقده. 

وطن روزنامه سی, تورکیه جمهوریتی ساغلیق نی سقلش وزیری فخرالدین کوجه نینگ, تورکیه ده گی کرونا ویروس واقعه لری نینگ سانی حقیده بیرگن بیاناتیده, "65 یاشلی بیر کسلی میز 8 کون جدی مراقبت بولیمی ده قالیشی آرتیدن توناون (سه شنبه) ساغَیدی. 60 یاشلی بیر کسلی میز بوگون (چهارشنبه) ساغیدی.  شونده ی قیلیب تورکیه ده کرونا ویروس دن ساغیگن کیشی لر سانی 26 نفر گه ییتدی" دییه قید ایتگن لیگی نی یازماقده. 

صباح روزنامه سی, تورکیه جمهوریتی خزانه و مالیه وزیری برات آلبیرق نینگ, اجتماعی ترماق آرقه لی بیرگن بیاناتیده, "اقتصادی برقرارلیک قالقانی دایره سیده, دولت بانک لری و مالی اشتراک موسسه لری میز؛ برچه سکتور لری میز, همه شرکت لری میز اوچون 'ایش گه دوام ایتیش' حمایوی فعالیت لر نی باشله ته میز" دییه قید ایتگن لیگی نی معلوم قیلماقده.

حریت روزنامه سی, تورکیش کارگو نینگ کرونا ویروس گه قرشی کوره ش نینگ دوام ایتیاتگن خوددی شوو کون لرده طب ساحه سیده ضرورت بولگن مواد نی دنیا دن تورکیه گه و تورکیه دن ایسه احتیاج حس ایتیلیاتگن باشقه اولکه لر گه انتقال ایتتیریش فعالیت لری نی دوام ایتتیریاتگن لیگی نی بیلدیرماقده. 

خبرده, تورکیش کارگو نینگ چین دن تورکیه گه کرونا ویروس نی 15 دقیقه ده انیقلیدیگن کیت لر نی کیتیرگن لیگی ایسله تیلماقده.

ستار روزنامه سی, امریکا قوشمه ایالت لری نینگ نیویورک ایالتیده کرونا ویروس گه قرشی مفید ایکن لیگی اویلنگن دوا نینگ تست ایتیلیشی بوییچه پروسه نینگ باشله گن لیگی نی بیلدیرماقده.