تورکیه ده کرونا ویروس خصوصیده جمهوررئیس اردوغان باشچیلیگیده بیر ییغیلیش بولیب اوتدی

جمهوررئیسلیک مجتمع سیده تورکیه جمهوریتی جمهوررئیسی رجب طیب اردوغان باشچیلیگیده کرونا ویروس حقیده بیر ییغیلیش بولیب اوتدی. 

ییغیلیش آرتیدن جمهوررئیسلیک سوزچیسی ابراهیم قلین خوددی شوو ییغیلیش حقیده معلومات بیررایکن, ژورنالست لرنینگ سئوال لری گه هم جواب قیتردی. 

جمهوررئیس اردوغان نینگ چیت ایللر گه قیله دیگن سفر لری نینگ معلوم بیر مدت معطل قیلینه دیگن لیگی نی بیلدیرگن قلین تورکیه ده کرونا ویروس گه قرشی کوره ش دایره سیده ایریم تدبیر لر آلینگن لیگی نی بیلدیردی. 

قلین, "بیرینچی دن باشلنغیچ و اورته مکتب لر بیلن لیسه لر 16 مارچ دن باشلب بیر هفته رخصت قیلینه دی.  23 مارچ دن کیین ایسه انترنت یاکه تلویزیون آرقه لی اوقووچی لری میز نینگ اوزاق دن تعلیمی اوچون زمینه یره تیلیب بیریله دی. عالی بیلیم یورت لری میز 16 مارچ دن باشلب 3 هفته لیک بیر مدت بیلن رخصت قیلینه دی.  اپریل آیی نینگ سونگگی گه قدر سپورت مسابقه لری نینگ تماشابین سیز بیر شکلده بولیب اوتیشی گه قرار قیلیندی" دییه قید ایتدی.

عینی دمده تورکیه جمهوریتی فرهنگ و توریزم وزیرلیگی هم, صنعت بیلن علاقه لی برچه برنامه لرنینگ 14 مارچ دن باشلب اپریل آیی نینگ سونگگی گه قدر معطل قیلینگن لیگی نی بیلدیردی. 

دولت مامور لری نینگ چیت ایللر گه سفر قیلیش لری ممنوع قیلیندی. سفر قیلیش نینگ ضروری بولیشی تقدیرده ایسه, اجازت آلیب چیت ایللر گه کیتیش لری کیره ک اوشبو دولت مامور لری نینگ. 

عینی دمده تورکیه جمهوریتی ساغلیق نی سقلش وزیری فخرالدین کوجه, تورکیه ده ینه بیر کیشی ده کرونا ویروس تستی نینگ مثبت چیققن لیگی نی بیلدیردی. 

کوجه, تویتر آرقه لی بیرگن بیاناتیده, "ایککینچی واقعه, بیرینچی واقعه نینگ قرنطین آستی گه آلینگن واقعه نینگ یقینی دن عبارت" دییه قید ایتدی.